عالىمدار كوروناۆيرۋس انىقتالعاننان كەيىن العاشقى كۇندەرى نەلىكتەن قاۋىپتى ەكەنىن ءتۇسىندىردى

None
None
نۇر-سۇلتان. قازاقپارات - SARS- CoV-2 جاڭا كوروناۆيرۋسى SARS- CoV جانە MERS- CoV كوروناۆيرۋستارىنا قاراعاندا تەز تارايدى.

مۇنداي ەرەكشەلىكتەردى سەنت-ەندريۋس ۋنيۆەرسيتەتىنىڭ زەرتتەۋشىلەرى انىقتاعان. ماقالا The Lancet جۋرنالىندا جاريالانعان، - دەپ حابارلايدى Tengrinews.kz ءتىلشىسى.

مامانداردىڭ سوزىنشە، كوروناۆيرۋس انىقتالعان ناۋقاستاردى تەز ارادا وقشاۋلاۋ كەرەك. سەبەبى ۆيرۋس العاشقى بەس كۇندە (ەڭ كوپ دەگەندە ءبىر اپتادا) وتە بەلسەندى بولادى. باسقاشا ايتقاندا بۇل ۋاقىت ارالىعىندا ناۋقاس باسقا ادامدارعا قاۋىپتى بولۋى مۇمكىن.

عالىمداردىڭ سوزىنشە، مۇنداي ەرەكشەلىك كوروناۆيرۋستىڭ تەز تاراۋىنا ىقپال ەتەدى. ال SARC- CoV جانە MERS- CoV كوروناۆيرۋستارى ءبىر اپتا نەمەسە ون كۇن ارالىعىندا بەلسەندىلىگى جوعارى بولادى.

ماماندار كوروناۆيرۋستى دەر كەزىندە انىقتاپ، وقشاۋلانۋ ۆيرۋستىڭ تاراۋىن توقتاتۋعا ارنالعان نەگىزگى شارالاردىڭ ءبىرى ەكەنىن ايتادى.

ايتا كەتەيىك، بۇگىندە دۇنيە ءجۇزى بويىنشا COVID-19 جۇقتىرعاندار سانى 56 ميلليونعا جەتكەن.

سوڭعى جاڭالىقتار