بەلارۋستەگى مينسكىدە ءال-فارابي اتىنداعى قازاق سىنىبى اشىلدى
اشىلۋ سالتاناتىنا قازاقستان رەسپۋبليكاسىنىڭ بەلارۋس رەسپۋبليكاسىنداعى توتەنشە جانە وكىلەتتى ەلشىسى اسقار بەيسەنبايەۆ، زاۆود اۋدانى اكىمشىلىگىنىڭ باسشىسى سەرگەي ماسلياك، بەينەكونفەرەنتسيا فورماتىندا - «وتانداستار قورى» ك ە ا ق ۆيتسە-پرەزيدەنتى ماعاۋيا سارباسوۆ جانە «وتانداستار قورى» ك ە ا ق پرەزيدەنتىنىڭ كەڭەسشىسى بولات ديدار قاتىستى.
ەلشى قازاقستاننىڭ بەلارۋستەگى ەلشىلىگى «وتانداستار قورىمەن» بىرلەسىپ قازاق ءتىلىن، ادەبيەتى مەن تاريحىن وقىتۋ كابينەتىن اشۋ بويىنشا ىسكە اسىرىلعان جاڭا جوبا تۋرالى ايتىپ بەردى.
ونىڭ جايى قايتا جوندەۋدەن ءوتتى، ديزايندى قوسا العاندا وندا بارلىعى قازاقستان مەن بەلارۋستىڭ ءوزارا دوستىعى مەن ىنتىماقتاستىعى يدەياسىنا باعىنادى.
قازاق ءتىلىن، قازاقستان تاريحى مەن ادەبيەتىن وقىپ- ۇيرەنۋ اسا قىزىقتى جانە ءتيىمدى بولۋى ءۇشىن قازاقستاندىق تاراپ مەكتەپكە كەڭ فورماتتى تەلەديدار، ينتەراكتيۆتى وقۋلىقتار، سوزدىكتەر، تانىمدىق ادەبيەتتەر سىيلادى.
«وتانداستار قورىنىڭ» ۆيتسە-پرەزيدەنتى م. سارباسوۆ قازاق ءتىلىن ونلاين وقىتۋ جوباسىنا باستاۋ بەردى. العاشقى ساباقتى قازاق ءتىلى وقىتۋشىسى، «QazWrite « جوباسىنىڭ اۆتورى اينا الپىسباي وتكىزدى. «QazWrite « جوباسىن ىسكە اسىرۋدىڭ ناتيجەسىندە قازاق دياسپوراسىنىڭ وكىلدەرى، بيزنەسمەندەر، الەمنىڭ ءتۇرلى ەلدەرىندەگى قاراپايىم ادامدار قازاق ءتىلىن قاشىقتىقتان وقۋعا مۇمكىندىك الدى. سونداي-اق، قوناقتار مەكتەپ وقۋشىلارى 50 دەن استام سۋرەت پەن قولونەر بۇيىمدارىن، ال كىشى سىنىپ وقۋشىلارى مۋلتيمەديالىق پرەزەنتاتسيالاردى ۇسىنعان «ءبىز ءار ءتۇرلىمىز، ءبىراق بىرگەمىز» اتتى كوركەمونەر كورمەسىنە قاتىستى.
ءداستۇر بويىنشا كورمە جىل سوڭىندا قازاقستان رەسپۋبليكاسىنىڭ تاۋەلسىزدىك كۇنىنە وراي ۇيىمداستىرىلعان «مەن قازاقستان تۋرالى نە بىلەمىن؟» بايقاۋى اياسىندا وتكىزىلەدى. سونىمەن بىرگە، «قازاقستان-بەلارۋس» مانەرلەپ وقۋ بايقاۋى اياسىندا وقۋشىلاردىڭ دايىنداعان پوەتيكالىق تۋىندىلارىن، سونىڭ ىشىندە اۆتورلىق شىعارمالاردى تىڭداۋ، سونداي-اق جوعارى سىنىپ وقۋشىلارى جازعان عىلىمي رەفەراتتاردى قورعاۋ ءوتتى.
