رەسەيلىك تانىمال اكتەر ەفرەموۆكە قارسى تاعى ءبىر ءىس قوزعالدى
بۇل تۋرالى جابىرلەنۋشىلەردىڭ وكىلى الەكساندر دوبروۆينسكي ايتتى، - دەپ حابارلايدى ريا نوۆوستي.
بۇل ءىس بويىنشا الدىن الا سوت وتىرىسى 23-قاراشاعا ماسكەۋ ۋاقىتىمەن 14:00-گە جوسپارلانعان.
دوبروۆينسكيدىڭ ايتۋىنشا، سوت ەفرەموۆ ۇستىنەن مورالدىق جانە ماتەريالدىق شىعىندى وتەۋ تۋرالى جازىلعان ارىزدى قارايدى. ءبىرىنشى ءبولىمى - ءۇش ميلليون رۋبل، بۇل اقشانى اكتەر زاحاروۆتىڭ جەسىرىنە، باۋىرى مەن كەنجە ۇلىنا تولەگەن. ال ەكىنشى ءبولىم - 111 مىڭ رۋبل، بۇل جەرلەۋدى ۇيىمداستىرۋدا كەتكەن شىعىن.
بۇعان دەيىن ادۆوكات ارىزدى قايتارىپ المايتىنىن، جەرلەۋ شىعىندارى وتەلگەن جاعدايدا، بىتىمگەرشىلىك كەلىسىمىنە قول قويۋعا دايىن ەكەنىن ايتقان بولاتىن.
ەسكە سالايىق، 8-ماۋسىمدا كەشكە ماسكەۋ ورتالىعىندا ەفرەموۆ ماس كۇيدە Jeep Grand Cherokee كولىگىن باسقارىپ، قارسى جولاققا شىعىپ كەتىپ، Lada فۋرگونىنا سوققان. فۋرگون جۇرگىزۋشىسى، ينتەرنەت-دۇكەن كۋرەرى سەرگەي زاحاروۆ اۋرۋحانادا قايتىس بولعان.
اتىشۋلى سوت پروتسەسىنىڭ ناتيجەسىندە پرەسنەنسكي سوتى ەفرەموۆتا جالپى رەجيمدەگى كولونيادا 8 جىلعا سوتتالعان، سودان كەيىن ماسكەۋ قالالىق سوتى مەرزىمدى 7 جارىم جىلعا دەيىن قىسقارتقان ەدى.