ۆيرۋسولوگ كوروناۆيرۋستىڭ قاۋىپتى سالدارىن ايتتى

None
None
نۇر-سۇلتان. قازاقپارات - كوروناۆيرۋس ينفەكسياسى جۇقتىرىپ، اۋىرعان ناۋقاستىڭ وكپەسى قابىنىپ، قايتادان قالىپقا كەلۋىنە ءبىراز ۋاقىت قاجەت بولۋى مۇمكىن.

بۇل تۋرالى لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ پروفەسسورى، ۆيرۋسولوگ الەكسەي اگرانوۆسكي ايتتى، - دەپ حابارلايدى Lenta.ru.

«وكپە ايتارلىقتاي قابىنسا، ادام ۇزاق ۋاقىت بويى دەمىگىپ، باسقا دا اسەرلەر پايدا بولۋى مۇمكىن (وتتەگىنىڭ جەتىسپەۋى)»، - دەدى ۆيرۋسولوگ.

اگرانوۆسكي كوروناۆيرۋستىڭ دەم الۋ جۇيەسىنە اسەر ەتۋى قايتىمدى بولۋى مۇمكىن ەكەنىن ايتادى.

سونىمەن قاتار، ساراپشى ۆيرۋستىڭ جۇيكە تىندەرى مەن باسقا دا ورگاندارعا اسەر ەتۋىنە الاڭداپ وتىر. ءبىراق ول قوسىمشا اقپاراتتاردى راستاپ الۋ كەرەگىن ايتادى.

«كوپ نارسە تۋرالى جازىلدى. تەمەكىنىڭ قورابىنداعىداي - يمپوتەنسيا، الاپەس، تاعىسىن تاعى. قازىر دە كورىنگەن نارسەنى ايتۋعا بولادى، ءبىراق مەن ونىڭ ءبارى راستالعانىن كۇتەر ەدىم»، - دەيدى پروفەسسور.

سوڭعى جاڭالىقتار