ق ر پرەزيدەنتى «ارسەلورميتتال تەمىرتاۋ» ا ق مەتاللۋرگيا كومبيناتىندا بولدى

None
None
تەمىرتاۋ. قازاقپارات - مەملەكەت باسشىسى قاسىم- جومارت توقايەۆ «ارسەلورميتتال تەمىرتاۋ» ا ق مەتاللۋرگيا كومبيناتىنداعى مىرىشپەن جانە اليۋمينييمەن قاپتاۋ تسەحىنىڭ جۇمىسىمەن تانىستى. قازاقپارات بۇل تۋرالى اقورداعا سىلتەمە جاساپ حابارلايدى.

كاسىپورىننىڭ اتقارۋشى ديرەكتورى ۆاديم باسين پرەزيدەنتكە ءوندىرىس پروتسەسىن ۇيىمداستىرۋ جانە جابدىقتاۋ جۇمىسىنىڭ قاعيدالارى تۋرالى ايتتى. سەح مىرىشپەن قاپتالعان ورامدى جانە تاباقشا ونىمدەرىن وندىرەدى. سەحتىڭ جالپى وندىرىستىك قۋاتى جىلىنا 700 مىڭ توننا ءونىم شىعارۋعا جەتەدى. مەملەكەت باسشىسى سەحتىڭ دايىن ونىمدەرى مەن جۇمىس جۇكتەمەسىن قاراپ كوردى. مىرىشپەن قاپتالعان تاباقشالارعا كونسترۋكتسيالىق ماتەريالدار ءوندىرىسى مەن قۇرىلىستا سۇرانىس جوعارى. مەتاللۋرگيا وندىرىسىندەگى بۇل ءونىمنىڭ قوسىمشا قۇنى قىمبات.


«ارسەلورميتتال تەمىرتاۋ» ا ق باس ديرەكتورى ناير بيدجۋ مەملەكەت باسشىسىنا كاسىپورىندى ودان ارى دامىتۋ پەرسپەكتيۆاسى، جاڭا كوكس باتەرياسى قۇرىلىسىنىڭ جوسپارى، ەكولوگيالىق قالدىقتاردى ازايتۋ جونىندە قابىلدانىپ جاتقان شارالار جايىندا مالىمەت بەردى.


- بۇل قازاقستاندىق مەتاللۋرگياداعى كوشباسشى كاسىپورىن. مۇندا قازاقستاننىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆ ءوزىنىڭ ەڭبەك جولىن باستاعان. ءبىز ءوندىرىس قۋاتىن ارتتىرۋدى ماقسات ەتىپ وتىرمىز. ماعان جاڭا ينۆەستيتسيالىق جوبالار، ءوندىرىستى جاڭعىرتۋ، الەۋمەتتىك جاعدايدى جاقسارتۋ جايىندا باياندادى.


كاسىپورىننىڭ الدىندا تۇرعان مىندەتتەر از ەمەس. سوندىقتان ونى رەتىنە قاراي شەشۋ كەرەك. ول جايىندا بۇعان دەيىن پرەمەر- مينيسترمەن سويلەستىم. جاڭا وبلىس اكىمىمەن دە ءبىرقاتار ماسەلەنى تالقىلادىق. بارلىق ماسەلەنى اقىرىنداپ شەشۋ قاجەت، - دەدى قازاقستان پرەزيدەنتى. سونان سوڭ قاسىم- جومارت توقايەۆ مەتاللۋرگيا زاۋىتىنىڭ ەڭبەك ۇجىمىمەن اڭگىمەلەسىپ، جۇمىستارىنا تابىس تىلەدى.



سوڭعى جاڭالىقتار