اقتوبەدە قىز بەن جىگىت جوعارى قاباتتان سەكىرىپ، مەرت بولدى

21 - قاراشا كۇنى اقتوبە قالالىق پوليتسيا باسقارماسى جەدەل باسقارۋ ورتالىعىنا قالا تۇرعىنى حابارلاسىپ، قىزىنىڭ جوعالىپ كەتكەنىن ايتقان. ال 22 - قاراشادا ساعات 7:00-دە قالاداعى 11-ىقشاماۋداندا ورنالاسقان №112 «ۆ» ءۇيىنىڭ اۋلاسىنان ەكى جاس ادامنىڭ مۇردەسى تابىلعان. تەكسەرۋ كەزىندە ونىڭ ءبىرى جوعالعان 17 جاستاعى قىز جانە ونىڭ 18 جاستاعى دوسى ەكەندىگى انىقتالدى. قىز بەن جىگىت 25 قاباتتى ءۇي كىرەبەرىسىنىڭ بالكونىنان سەكىرگەن.

«پوليتسيا قىزمەتكەرلەرى قازا بولعانداردىڭ جەكە زاتتارىن تاركىلەدى. ءوز- وزىنە قول سالۋ فاكتىسىنىڭ سەبەبىن انىقتاۋ ماقساتىندا تەكسەرۋ جۇرگىزىلىپ جاتىر. سوت- مەديتسينالىق ساراپتامالار تاعايىندالدى. اتالعان فاكتى قىلمىستىق كودەكستىڭ «ءوزىن- ءوزى ولتىرۋگە دەيىن جەتكىزۋ» بابى بويىنشا تىركەلدى»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

«قۇربى- قۇرداستارى نەمەسە اتا- انالارى اراسىندا بولاتىن جانجال، بولاشاق ءۇشىن قورقىنىش جانە جالعىزدىق سەزىمى قايعىلى جاعدايعا سەبەپ بولىپ جاتادى. اتا- انالار بالا بويىنداعى وزگەرىسكە بىردەن نازار اۋدارۋى كەرەك. ءوزارا اڭگىمەلەسىپ، سويلەسۋ، ماسەلەلەردى تالقىلاۋ، ولاردى شەشۋگە ۇيرەتۋ، بالانىڭ ومىرگە قۇشتارلىعىن وياتۋى ءتيىس. ەگەر ءسىزدىڭ قولىڭىزدان كەلمەسە، مامانداردان كومەك سۇراۋعا قىمسىنباڭىز»، - دەدى اقتوبە وبلىسى پ د باستىعى اتىعاي ارىستانوۆ.

اۆتور: التىناي ساعىندىقوۆا