ەۋروپا اۋرۋحانالارىندا دەزينفەكتسيا جاسايتىن روبوتتار پايدا بولادى
جابدىقتار بۇكىل ەۋروپا بويىنشا اۋرۋحانالارعا تاراتىلادى. بۇعان دەيىن وداققا مۇشە كوپتەگەن مەملەكەتتىڭ مەديتسينالىق مەكەمەلەرى COVID-19 جۇقتىرعان پاتسيەنتتەردىڭ ستاندارتتى پالاتالارىن ۋلتراكۇلگىن ساۋلەمەن نەبارى 15 مينۋت ىشىندە زارارسىزداندىراتىن روبوتتارعا قاجەتتىلىگىن ءبىلدىردى. وسىلايشا، ولار قاۋىپتى ۆيرۋستىڭ تارالۋىن بولدىرماۋعا جانە ازايتۋعا كومەكتەسەدى. دەزينفەكتسيالاۋ پروتسەسىن وپەراتور ۋلتراكۇلگىن- ساۋلەنىڭ اسەرىن بولدىرماۋ ءۇشىن بولمەدەن تىس جەردە باقىلاي الادى.
«ءبىز ءوز ازاماتتارىمىزدى قورعاۋ ءۇشىن ارەكەت ەتەمىز. ەندى ءبىز دەزينفەكتسيا جاسايتىن روبوتتاردى اۋرۋحانالارعا ورنالاستىرامىز. وسىلايشا ازاماتتارىمىز وسى تەحنولوگيانى قولدانا الادى. الداعى اپتادا روبوتتار ەو اۋرۋحانالارىنا جەتكىزىلەدى دەپ كۇتىلۋدە»، - دەپ حابارلادى ە و ىشكى نارىق جونىندەگى كوميسسارى تەرري برەتون.
جالپى، پاندەميامەن كۇرەستە ە و- نىڭ جەدەل مەديتسينالىق قولداۋ قۇرالدارى 12 ميلليون ەۋروعا دەيىنگى ارنايى بيۋدجەتتى قۇرايدى.
اۆتورى: ارنۇر راحىمبەكوۆ