مەملەكەت باسشىسى تۇرعىن ءۇي ماسەلەسى ازاماتتارىمىز ءۇشىن ءالى دە وزەكتى ەكەنىن ايتتى

None
None
نۇر-سۇلتان. قازاقپارات - تۇرعىن ءۇي ماسەلەسى ازاماتتارىمىز ءۇشىن ءالى دە وزەكتى بولىپ وتىر.

بۇل تۋرالى ۇلتتىق قوعامدىق سەنىم كەڭەسىنىڭ بەسىنشى وتىرىسىندا ق ر پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«حالىقتىڭ تۇرمىس ساپاسىن ارتتىرۋدىڭ باستى شارتتارىنىڭ ءبىرى - تۇرعىنداردى قولجەتىمدى باسپانامەن قامتاماسىز ەتۋ. ءبىز وسى ماڭىزدى ماسەلەنى شەشۋ ءۇشىن اۋقىمدى شارالار قابىلداپ جاتىرمىز. قازىر ازاماتتارىمىز ءوزىنىڭ زەينەتاقى جيناعىنىڭ ءبىر بولىگىن تۇرعىن ءۇي جاعدايىن جاقسارتۋعا پايدالانا باستادى. بۇل بۇرىن-سوڭدى بولماعان تەڭدەسسىز قادام. جاڭا باستامانىڭ جۇزەگە اسقانىنا ءبىر اي عانا ۋاقىت ءوتتى. سونىڭ وزىندە مىڭداعان ازامات كوپتەن كۇتكەن باسپاناسىن الدى، يپوتەكاسىن وتەدى نەمەسە نەسيەسىن ازايتتى. بۇل ادىلەتتى قوعام قاعيداتىن جۇزەگە اسىرۋدىڭ ناقتى قادامدارىنىڭ ءبىرى دەپ تە ايتۋعا بولادى»، - دەدى مەملەكەت باسشىسى وسى ورايدا پرەزيدەنت كوپشىلىكتى قۋانتقان وسى شەشىمدى ۇلتتىق كەڭەس قولداعانىن اتاپ ءوتتى. «دەگەنمەن تۇرعىن ءۇي ماسەلەسى ازاماتتارىمىز ءۇشىن ءالى دە وزەكتى بولىپ وتىر. بىلتىر تۇرعىن ءۇي قۇرىلىسىنىڭ قارقىنى 11,2 پايىزعا ءوستى. بۇل - جاقسى كورسەتكىش. ءبىراق وڭىرلەردىڭ احۋالى اركەلكى»، - دەدى ق. توقايەۆ.

ەسكە سالساق، بۇعان دەيىن ۇلتتىق كەڭەستىڭ بەسىنشى وتىرىسى اقپاندا وتەتىندىگىن حابارلاعان بولاتىنبىز. ۇلتتىق قوعامدىق سەنىم كەڭەسى قۇرامىندا روتاتسيا جاسالدى. جاڭارتىلعان ءماجىلىس قۇرامىندا ۇلتتىق كەڭەستىڭ 9 مۇشەسى بار. وتكەن جىلى 22-قازاندا ق ر پرەزيدەنتى قاسىم-جومارت توقايەۆتىڭ قاتىسۋىمەن ۇلتتىق قوعامدىق سەنىم كەڭەسىنىڭ ءتورتىنشى وتىرىسى، ال 2019 -جىلى 6-قىركۇيەكتە العاشقى وتىرىسى بولدى.

اۆتور: رۋسلان عابباسوۆ


سوڭعى جاڭالىقتار