ماڭعىستاۋدا جاڭا مۇناي كەن ورنى اشىلدى
الىنعان سىنامالار بويىنشا مۇناي ساپاسى وتە جوعارى، جەڭىل، كۇكىرتى جوق. بۇل قۋانىشتى حاباردى وبلىس اكىمى س. ترۇموۆپەن كەزدەسكەن مەريديان پەترولەۋم كومپانياسىنىڭ پرەزيدەنتى ب. قۋاندىقوۆ جەتكىزدى.
ونىڭ ايتۋىنشا، تەپكەدەگى كەن ورنى - ەلىمىز تاۋەلسىزدىگىن العالى 30 جىلدا ماڭعىستاۋ وبلىسىندا اشىلعان العاشقى ەڭ ءىرىسى بولماق.
«2018 -جىلى باستالعان گەولوگيالىق بارلاۋ جۇمىسى ناتيجەسىن بەردى. الىنعان مۇنايدىڭ قىسىمى، دەبيتى، گازدىق فاكتورى جانە باسقا دا پارامەترلەرى بويىنشا ءىرى كەن ورنى بولادى دەپ جوسپارلاپ وتىرمىز. قازىر كەن ورنىنداعى مۇناي قورىن انىقتاۋ جۇمىستارى ءجۇرىپ جاتىر. جاڭا كەنىشتىڭ اينالاسىندا «قاراقۇدىق»، «ارىستان» جانە «كومسومولسكوە» كەن ورىندارى ورنالاسقان»، - دەدى مەريديان پەترولەۋم كومپانياسىنىڭ پرەزيدەنتى ب. قۋاندىقوۆ.
جاڭا كەن ورنىنا اتى اڭىزعا اينالعان گەولوگ- بارلاۋشى، ماڭعىستاۋداعى بارلىق كەنىشتى اشۋعا اتسالىسقان حالەل وزبەكقاليەۆتىڭ ەسىمى بەرىلدى.
اۆتور: قاراكوز مارات