ناۋرىز ايىندا قازاقستاندىقتار قانشا كۇن دەمالادى؟

None
None
نۇر-سۇلتان. قازاقپارات - بيىل قازاقستاندىقتار ناۋرىز مەيرامىنا وراي 5 كۇن دەمالادى، دەپ حابارلايدى «قازاقپارات» ح ا ا ءتىلشىسى.

مەملەكەتتىك مەرەكەلەر كۇنتىزبەسىنە سايكەس، قازاقستاندىقتار جىل سايىن ناۋرىز مەيرامىندا ءۇش كۇن - 21-23 كۇندەرى دەمالادى.

دەگەنمەن، بيىل 21- ناۋرىز جەكسەنبىگە ءدال كەلىپ وتىر. ال «قازاقستان رەسپۋبليكاسىنداعى مەرەكەلەر تۋرالى» زاڭعا سايكەس، دەمالىس جانە مەرەكە كۇندەرى سايكەس كەلگەن جاعدايدا مەرەكەدەن كەيىنگى جۇمىس كۇنى دەمالىس بولىپ ەسەپتەلەدى.

دەمەك، قازاقستاندىقتار 20- ناۋرىز بەن 24- ناۋرىز ارالىعىندا 5 كۇن دەمالادى. سونىمەن قاتار ناۋرىز ايىندا تاعى ءبىر مەملەكەتتىك مەرەكە بار. ول 8- ناۋرىز - حالىقارالىق ايەلدەر كۇنى.

مەرەكە دۇيسەنبىگە تۋرا كەلەدى، سايكەسىنشە قازاقستاندىقتار سەنبى، جەكسەنبى جانە دۇيسەنبىدە دەمالادى. جالپى، ناۋرىز ايىندا قازاقستاندىقتار 12 كۇن دەمالىپ، 19 كۇن جۇمىس ىستەيدى.

سوڭعى جاڭالىقتار