سۋ دوبىنان قازاقستان قۇراماسى توكيو وليمپياداسىنا جولداما الدى

None
None
نۇر-سۇلتان. قازاقپارات - قازاقستاننىڭ سۋ دوبىنان ەرلەر قۇراماسى بيىل جاپونيا استاناسى توكيودا وتەتىن جازعى وليمپيادانىڭ جولداماسىنا يە بولدى. ەندى قازاقستان ەنشىسىندە 43 ليتسەنزيا بار.

بۇل تۋرالى روتتەردام قالاسىندا وتكەن سۋ دوبىنان وليمپيا ويىندارىنىڭ جەرەبە تارتۋ ءراسىمى كەزىندە بەلگىلى بولدى.

ايتا كەتەيىك، سۋ دوبىنان وليمپياداعا ازيا ىرىكتەۋ كەزەڭى وتكەن جىلى اقپاندا نۇر-سۇلتان قالاسىندا ءوتۋى كەرەك بولعان. الايدا كوروناۆيرۋس ىندەتىنىڭ ورشۋىنە بايلانىستى قازاقستان اتالعان باسەكەنى قابىلداۋدان باس تارتتى. وسىدان كەيىن پاندەميا باستالىپ ازيا سۋ سپورتى فەدەراتسياسى ىرىكتەۋدى وتكىزۋدەن باس تارتتى.

جولداما تاعدىرىن 2018-جىلى دجاكارتا قالاسىندا وتكەن ازيا ويىندارىنىڭ ناتيجەسى شەشتى.

قازاقستان ەرلەر قۇراماسى سول سىندا توپ جارعان ەدى. ال ايەلدەر اراسىندا قىتاي سپورتشىلارى ۇزدىك شىققان.

جەرەبە قورىتىندىسى بويىنشا قازاقستان «ۆ» توبىندا يسپانيا، حورۆاتيا، مونتەنەگرو، سەربيا، اۋستراليامەن كۇش سىناسسا، «ا» توبىندا ا ق ش، ۆەنگريا، وڭتۇستىك افريكا رەسپۋبليكاسى، گرەكيا، جاپونيا، يتاليا بار.

massaget.kz

سوڭعى جاڭالىقتار