زەرتتەۋ: جاڭعاق جەپ جۇرگەن ادام ۇزاق ءومىر سۇرەدى

اسىرەسە 50 جاستان اسقان ەگدە ادامدار ءۇشىن بۇل ءدان اسا قاجەت كورىنەدى. ول جايلى زەرتتەۋ Journal of the American Heart Association جۋرنالىندا جارىق كوردى.

عالىمدار وسىمدىك تەكتەس اقۋىزدىڭ ادام اعزاسىنا اسەرى مەن پايداسىن انىقتاۋ ءۇشىن 50-79 جاستاعى 100 مىڭ ايەلدىڭ دەرەگىن سالىستىرعان. ول دەرەكتەردى 1993-1998-جىلدارى Women's Health Initiative ۇلتتىق زەرتتەۋىنەن العان.

ساۋالناماعا قاتىسقان ەرىكتىلەر تاماقتانۋ ادەتى مەن جۇمىرتقا، قۇس ەتى، ءسۇت ونىمدەرىن، مولليۋسكى، ەت پەن بالىقتى، وسىمدىك تەكتەس (جاڭعاق، بۇرشاق، اسبۇرشاق) اقۋىزدى قانشالىقتى كوپ جەيتىنىن بەلگىلەگەن.

2017-جىلى اقپانعا دەيىنگى كەزەڭدى باقىلاۋ ناتيجەسىندە 25976 ادام قازا بولعانى انىقتالدى. 6993 ءولىم جۇرەك جانە قان اۋرۋلارىنان، 7516 سى قاتەرلى ىسىكتەن، 2734 ءى دەمەنتسيادان (الجۋ) بولعان.

زەرتتەۋگە الىنعان رەسپوندەنتتەردى عالىمدار ەكى توپقا ءبولىپ قاراستىرماق بولادى. ءبىرى - جانۋار تەكتەس ونىمدەردى جەگەندەر، ەكىنشىسى - وسىمدىك تەكتەس ونىمدەردى كوبىرەك تۇتىنعاندار.

ناتيجەسىندە وسىمدىك تەكتەس اقۋىزدى كوبىرەك جەگەن ايەلدەردىڭ ءولىم قاۋىپى %9 عا، ال جۇرەك جانە قان تامىرى اۋرۋىنا شالدىعۋ قاۋىپى %12 عا، دەمەنتسيا قاۋىپى %21 عا ازداۋ بوپ شىققان.

ال وڭدەلمەگەن ەت، جۇمىرتقا، ءسۇت تاعامدارىن كوپ جەگەندەردىڭ ءولىم جانە اۋرۋعا شالدىعۋ قاۋىپى جوعارىراق بولعان.

ال ەت مەن جۇمىرتقانى، ءسۇت ونىمدەرىن جاڭعاقپەن الماستىرعانداردىڭ اۋرۋعا شالدىعۋ قاۋىپى %12-47 عا دەيىن ازايعان ەكەن.

massaget.kz