العىس ايتۋ كۇنى: «ءبىرتۇتاس قازاقستان» اتتى فلەشموب ءوتتى

«ەتنوستارىمىزدىڭ ىنتىماعىن، قازاقستان حالقى دوستىعىن، قاسيەتتى جەرىمىزدىڭ قوناقجايلىعىن كورسەتۋ باستى ماقسات بولدى. فلەشموبتىڭ ءمانى دە سوندا جاتىر. بۇعان قوسا، ەلىمىزدىڭ تاۋەلسىزدىگىنىڭ 30 جىلدىق مەرەيتويىنا وراي فلەشموبقا قاتىسۋشىلاردىڭ دا سانى وتىز ادام»، - دەدى سەرگەي سىرۋلنيكوۆ.

ونىڭ اتاپ وتۋىنشە، بۇل ءىس-شارا ق ر مادەنيەت جانە سپورت، قورعانىس مينيسترلىكتەرىنىڭ، «جاس سارباز» جاستار پاتريوتتىق قوزعالىسىنىڭ قولداۋىمەن ۇيىمداستىرىلدى. باستاپقىدا فلەشموبدى مۇنان دا اۋقىمدى تۇردە ۇيىمداستىرۋ جوسپاردا بولعان. الايدا وعان اۋا رايىنىڭ قولايسىزدىعى كەدەرگى كەلتىردى.

«ەلىمىزدە كولەمى 35*17,5 مەترلىك ەڭ ۇلكەن تۋ بار. باستاپقىدا وسى تۋدى قازاقستاننىڭ بارلىق ەتنوس وكىلدەرى ۇستاپ كوشەگە شىعۋ جوسپاردا بولعان ەدى. الايدا كوشەدە 30 گرادۋس اياز بولۋىنا بايلانىستى فلەشموبتى كولەمى شاعىنداۋ تۋمەن دوستىق ءۇيىنىڭ ىشىندە وتكىزۋگە تۋرا كەلدى»، - دەدى ول.

اۆتور: مارلان جيەمباي