«ۆاكسينادان پوليسەي قايتىس بولدى»: ب ق و- دا جالعان حابار تاراتقان ايەل ۇستالدى
ب ق و پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆتىڭ ءمالىم ەتكەنىندەي، ايەلدىڭ پوليسيا قىزمەتكەرىنىڭ ەكپەنىڭ كەسىرىنەن كوز جۇمعانى جونىندەگى اۋديوجازباسى الەۋمەتتىك جەلىلەردە تارالىپ كەتكەن.
«پوليسيا قىزمەتكەرلەرى ايەلدىڭ كىم ەكەندىگىن انىقتادى. ول بەينەجازباسىندا ءوزىنىڭ جالعان حابار تاراتقانى جونىندەگى قاتەلىگىن ءتۇسىنىپ، كەشىرىم سۇرادى. ايەل پوليسيا قىزمەتكەرىنىڭ نەدەن قايتقانىن بىلمەي تۇرىپ، كولىكتە ەستىگەن حاباردىڭ انىق- قانىعىنا جەتپەستەن، اشۋ ۇستىندە اۋديوجازبانى كورشىسىنە جىبەرگەن. كورشىسىنىڭ جولداسى ارقىلى جالعان جايتتى ودان ءارى تاراتىپ جىبەرەتىنىن ويلاماعان. ياعني قاساقانا جالعان حابار تاراتۋ ويى بولماعاندىقتان، قىلمىستىق ءىس قوزعالماۋى مۇمكىن، بۇل ماسەلە شەشىلۋدە. پوليسيا قىزمەتكەرى شىن مانىسىندە جۇرەك تالماسىنان قايتىس بولعان. سونداي- اق ءبورلى اۋدانى پوليسيا ءبولىمى ءۇش قىزمەتكەرىنىڭ قايتىس بولعانى جونىندەگى مالىمەت تە شىندىققا سايكەس كەلمەيدى. تۇرعىنداردان انىق ەمەس اقپاراتتى تاراتپاۋدى سۇرايمىز. ول ءۇشىن قىلمىستىق جاۋاپكەرشىلىك قاراستىرىلعان»، - دەدى قازاقپارات تىلشىسىنە ب. بەلگىبەكوۆ.
ەسكە سالا كەتەيىك، بۇدان بۇرىن باتىس قازاقستاندا 58 مىڭنان استام ادامنىڭ كوروناۆيرۋسقا قارسى ەكپە سالدىرعانىن جازعان بولاتىنبىز.