ورازا ايتتا ءاربىر مۇسىلمان مۇقتاجدارعا قولداۋ كورسەتىپ، يگى ىستەر جاسايدى - ايدا بالايەۆا

None
None
نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترى ايدا بالايەۆا مۇسىلماندار ءۇشىن قاسيەتتى مەرەكەنىڭ ءبىرى - ورازا ايتپەن قۇتتىقتادى، دەپ حابارلايدى قازاقپارات ءتىلشىسى.

«مۇسىلمان قاۋىمى ءۇشىن قاسيەتتى مەرەكەلەردىڭ ءبىرى - ورازا ايت قۇتتى بولسىن! ادامزات بالاسىن سابىر مەن كەشىرىمگە، قاناعات پەن قايىرىمعا شاقىرىپ، رۋحاني جاڭارۋعا ۇندەيتىن قاسيەتتى رامازان ايى دا اياقتالدى. وسى ايدا ورازا ۇستاپ، امال جاساعان بارشا ازاماتتاردىڭ دۇعا- نيەتتەرىنىڭ قابىل بولۋىن تىلەيمىن. ورازا ايتتا - ءاربىر مۇسىلمان كومەككە مۇقتاج جاندارعا كەڭىنەن قولداۋ كورسەتىپ، ساۋابى مول يگى ىستەر جاسايدى. وكىنىشكە وراي، بيىلعى ورازا ايت دا كارانتيندىك شەكتەۋلەر جاعدايىندا كەلىپ تۇر. قاجەتتى ساقتىق شارالارىن ساقتاپ، توزىمدىلىك تانىتساق، كەلەر جىلدىڭ ورازا ايتىن قالىپتى جاعدايدا قارسى الامىز دەپ ۇمىتتەنەمىن. وكپە- رەنىشتى ۇمىتىپ، قاتە- كەمشىلىكتەردى كەشىرۋگە ۇندەيتىن ورازا ايتىندا بارشاڭىزعا زور دەنساۋلىق، وتباسى اماندىعى مەن باق- بەرەكە تىلەيمىن. حالقىمىزدىڭ بىرلىگى نىعايىپ، رۋحاني ىنتىماعى ارتا بەرسىن. ايت مۇباراك بولسىن!»، دەپ جازدى مينيستر Facebook-تەگى پاراقشاسىندا.

سوڭعى جاڭالىقتار