قازاقستان مەن قىرعىزستان اراسىنداعى ساۋدا بالانسى قاي دەڭگەيدە

«مينيسترلىكتەن العان اقپاراتقا سايكەس، قازاقستان مەن قىرعىزستان اراسىنداعى 2020 -جىلى 2019 -جىلعا قاراعاندا تاۋار اينالىمى 15,3 پايىزعا تومەندەگەن. ەكسپورت 9,9 پايىزعا ازايسا، ال يمپورت 26 پايىزعا كەمىگەن. ساۋدا بالانسى 20,6 ميلليون ا ق ش دوللارىنا وسكەن. وسى ورايدا ساۋدا بالانسىنىڭ ءوسىمى نەمەن بايلانىستى؟»، - دەپ سۇرادى سەناتور باۋىرجان قانيەۆ.

ءوز كەزەگىندە ساۋدا جانە ينتەگراتسيا ءمينيسترى باقىت سۇلتانوۆ پاندەميا مەن كوروناۆيرۋس داعدارىسىنىڭ سالدارى ەلىمىزگە جانە كورشىلەس مەملەكەتتەردە ەكونوميكالىق جاعدايىنا اسەر ەتكەنەنىن اتاپ ءوتتى.

«جالپى، ءبىزدىڭ ەكسپورتىمىز دا، ولاردان الىپ كەلەتىن يمپورتىمىز دا تومەندەدى. ءبىراق يمپورتتىڭ كەمۋى كوبىرەك بولدى. ەكسپورت 62 ميلليون دوللارعا، ال يمپورت 92 ميلليونعا قىسقاردى. بۇل ءوز كەزەگىندە ارامىزداعى بالانستىڭ جاقسارۋىنا تىكەلەي اسەرىن بەرىپ وتىر»، - دەدى مينيستر.

وسى ورايدا ول ەكسپورت قۇرىلىمىندا بيدايدىڭ، تەمەكى ونىمدەرىنىڭ، مەتالل كونسترۋكتسيالاردىڭ جەتكىزىلىمى قىسقارعانىن ايتتى. سونىمەن قاتار يمپورت بويىنشا بىلعارىدان جاسالعان اياق كيىم، ساندىك كوسمەتيكا جانە باسقا تاۋارلار ازايدى. بۇدان بۇرىن حابارلانعانداي، بۇگىن سەناتتىڭ جالپى وتىرىسىندا ەاەو اۋقىمىندا قىرعىزستاننىڭ ەكونوميكالىق قاتىناسى تۋرالى قۇجات قابىلدادى.