11:46, 14 - مامىر 2021 | GMT +6
جوشى حان تاريحي- مادەني كەشەنى اشىلادى
نۇر-سۇلتان. قازاقپارات - ماۋسىم ايىنىڭ سوڭىنا قاراي ۇلىتاۋدا «جوشى حان» تاريحي- مادەني كەشەنى اشىلادى، دەپ حابارلايدى قازاقپارات ءتىلشىسى.
مادەنيەت جانە سپورت ءمينيسترى اقتوتى رايىمقۇلوۆا ەل الدىنداعى ەسەبى كەزىندە وسىنداي مالىمەت بەردى.
«كيەلى تۋريزمدى دامىتۋدى ىنتالاندىرۋ جانە تاريحي- مادەني نىساندارعا تۋريستىك قىزىعۋشىلىقتى ارتتىرۋ ماقساتىندا ماۋسىم ايىنىڭ سوڭىنا قاراي قاراعاندى وبلىسىنىڭ ۇلىتاۋ اۋدانىندا «جوشى حان» تاريحي- مادەني كەشەنى اشىلادى»، - دەدى اقتوتى رايىمقۇلوۆا.
ءمينيستردىڭ سوزىنە سەنسەك، شىلدە ايىندا شىعىس قازاقستان وبلىسىندا «اباي جولىمەن» اتتى اقپاراتتىق تۋر وتكىزۋ جوسپارلانىپ وتىر.
اۆتور: ەسىمجان ناقتىباي