تۇركىستاندا ياسسى باعى بوي كوتەرەدى
«تۇركىستاننىڭ تاريحي ورتالىعىن قالپىنا كەلتىرۋ بويىنشا ازىرەت سۇلتان مۋزەي- قورىعىنىڭ ءاربىر نىسانىن دامىتۋدىڭ تۇجىرىمدامالىق جوسپارى ازىرلەندى. قولدانىستاعى ماتەريالداردى بارىنشا ساقتاي وتىرىپ قوجا احمەت ياساۋي كەسەنەسىنىڭ باس كۇمبەزى جاڭارتىلدى، قازاق حاندارىنىڭ رەسمي قابىلداۋلارى وتكىزىلگەن - ۇلكەن اقساراي زالى سول زاماننىڭ ۇلتتىق ناقىشىندا رەنوۆاتسيالاندى»، - دەگەن مينيستر.
ونىڭ ايتۋىنشا، كەسەنە مەن جەتى اتا قاقپاسىنىڭ اراسىنان وتەتىن ماگيسترالدى كوشە قايتا توسەلىپ، قولونەر دۇكەندەرى مەن شەبەرحانالار قالپىنا كەلتىرىلىپ جاتىر. عىلىمي-قالپىنا كەلتىرۋ جۇمىستارىمەن قاتار كەسەنە اۋماعىن اباتتاندىرۋ دا قارقىندى جالعاسىپ جاتىر.
«سونىڭ شەڭبەرىندە كولەڭكەلى دالىزدەردى، ورىندىقتاردى ورنالاستىرۋ، سونداي-اق كەسەنەنىڭ بۇكىل اۋماعىن لاندشافتىق ساۋلەتپەن، سۋبۇرقاقتارمەن، اشىق ايۆاندارمەن (دالان) جاقسارتۋ ارقىلى كەلۋشىلەر ءۇشىن قولايلى جاعداي جاسالادى. سونداي-اق ياسسى باعىن قۇرۋ كوزدەلەدى جانە وسىلايشا تاريحي لاندشافتتى جانداندىرۋ جوسپارلانۋدا»، - دەدى ۆەدومستۆو باسشىسى.
اۆتور: ەسىمجان ناقتىباي