ايىبى دالەلدەنسە، قىزمەتتەن كەتۋگە دايىنمىن: اقتوتى رايىمقۇلوۆا ورىنباسارى تۋرالى پىكىر ءبىلدىردى

None
None
نۇر-سۇلتان. قازاقپارات - ەل الدىنداعى ەسەبىنەن كەيىنگى بريفينگىدە مادەنيەت جانە سپورت ءمينيسترى اقتوتى رايىمقۇلوۆا جەمقورلىق داۋىنا ىلىككەن ورىنباسارى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«مادەنيەت جانە سپورت ءمينيسترىنىڭ ورىنباسارى ساكەن مۇسايبەكوۆتىڭ كىنالى ەكەنى دالەلدەنسە، قىزمەتىڭىزدەن كەتۋگە دايىنسىز با؟» ۆەدومستۆو باسشىسى اقتوتى رايىمقۇلوۆاعا ب ا ق وكىلدەرى ورتالىق كوممۋنيكاتسيالار قىزمەتىندە وسىنداي سۇراق قويدى.

«بارىنەن بۇرىن، ارينە تاعىلعان ايىپ دالەلدەنۋى كەرەك. ەگەر ايىپ دالەلدەنسە، ارينە، زاڭ بويىنشا مەن ءوز ەركىممەن جۇمىستان بوساتۋ تۋرالى ءوتىنىش جازامىن. ايىبى دالەلدەنگەن جاعدايدا»، - دەدى اقتوتى رايىمقۇلوۆا.

ەسكە سالا كەتەيىك، ق ر مادەنيەت جانە سپورت ۆيتسە-ءمينيسترى ساكەن مۇسايبەكوۆ بۋكمەكەرلىك سالانىڭ مۇددەسىن قورعادى دەگەن كۇدىككە ءىلىنىپ، ۇستالعان بولاتىن.

اۆتور: ەسىمجان ناقتىباي

سوڭعى جاڭالىقتار