ەلباسى اسەت يسەكەشەۆ پەن نۇرلان ەرمەكبايەۆتى قابىلدادى
بۇل تۋرالى قازاقپارات elbasy.kz سايتىنا سىلتەمە جاساپ حابارلايدى.
كەزدەسۋدە بيىل 19- مامىردا وتەتىن قاۋىپسىزدىك كەڭەسى وتىرىسىنىڭ كۇن ءتارتىبى جانە جيىندا قاراستىرۋ جوسپارلانعان قۇجاتتار تالقىلاندى.
«اپپارات قاۋىپسىزدىك كەڭەسىنىڭ كەزەكتى وتىرىسىنا ماتەريالداردى دايىندادى. وتىرىستا ەكى ماسەلە قارالادى. ءبىرىنشىسى - قارۋلى كۇشتەردى قۇرۋ جانە دامىتۋ تۇجىرىمداماسى تۋرالى، ەكىنشىسى - شەكاراداعى قاۋىپسىزدىكتى قامتاماسىز ەتۋ جونىندە. ءبىرىنشى ماسەلە بويىنشا قورعانىس مينيسترلىگىمەن بىرلەسە وتىرىپ، نەگىزگى باسىم باعىتتار مەن ىسكە اسىرۋ كەزەڭدەرى انىقتالدى. سونداي-اق ۇكىمەتپەن بىرگە قارجىلاندىرۋ جانە تۇجىرىمدامانى ىسكە اسىرۋعا قورعانىس ونەركاسىبى كەشەنىندەگى كاسىپورىنداردىڭ قاتىسۋى ماسەلەلەرى قارالدى»، - دەدى ءا. يسەكەشەۆ.
ءوز كەزەگىندە قورعانىس ءمينيسترى جاڭا تۇجىرىمداما جوباسىندا كورىنىس تاپقان ارميانى قۇرۋدىڭ نەگىزگى باعىتتارى تۋرالى تولىق اقپارات ۇسىندى.
سوڭىندا نۇرسۇلتان نازاربايەۆ قاۋىپسىزدىك كەڭەسىنىڭ اپپاراتىنا ءبىرقاتار ناقتى تاپسىرما بەردى.