سوت ەلجان ءبىرتانوۆتى ءۇي قاماقتا ۇستاۋ شاراسىن كۇشىندە قالدىردى

None
None
نۇر-سۇلتان. قازاقپارات - نۇر-سۇلتان قالالىق سوتىنىڭ قىلمىستىق ىستەر جونىندەگى سوت القاسى ەلجان ءبىرتانوۆتى ءۇي قاماقتا ۇستاۋ بۇلتارتپاۋ شاراسىن كۇشىندە قالدىردى، دەپ حابارلايدى قازاقپارات ءتىلشىسى.

«بۇگىن نۇر-سۇلتان قالالىق سوتىنىڭ قىلمىستىق ىستەر جونىندەگى سوت القاسى تەرگەۋ سوتىنىڭ 2021-جىلعى 6- مامىرداعى ە. ءبىرتانوۆتى ءۇي قاماقتا ۇستاۋ مەرزىمىن 8 ايعا، ياعني 2021-جىلدىڭ 14- ماۋسىمىنا دەيىن ۇزارتۋ تۋرالى سانكسيا بەرىلگەن قاۋلىسىنا ونىڭ قورعاۋشىلارىنىڭ جەكە شاعىمدارىن قارادى. ادۆوكاتتار بۇلتارتپاۋ شاراسىن ۇزارتۋدان باس تارتۋدى سۇرادى. سوت القاسى تەرگەۋ سوتىنىڭ قاۋلىسىمەن كەلىسىپ، ونى وزگەرىسسىز قالدىردى»، - دەلىنگەن نۇر-سۇلتان قالالىق سوتىنىڭ باسپا ءسوز قىزمەتى تاراتقان اقپاراتتا.

ايتا كەتەيىك، سوت ءۇي قاماقتا وتىرعان ە. ءبىرتانوۆقا ونىڭ اسىراۋىندا بەس ادام، ونىڭ ۇشەۋى جاس بالا جانە قارت انا ەكەنىن ەسكەرە وتىرىپ، ومىرگە قاجەتتى ءىس-ارەكەتتەردى جۇزەگە اسىرۋ ءۇشىن ۇيدەن ساعات 8 دەن 19 عا دەيىن شىعۋعا رۇقسات بەرگەن ەدى.

وتكەن جىلى بۇرىنعى دەنساۋلىق ساقتاۋ ءمينيسترى ەلجان ءبىرتانوۆ قاماۋعا الىندى. وعان قاتىستى اسا ءىرى كولەمدە بيۋجەت قاراجاتىن ىسىراپ ەتۋ فاكتىسى بويىنشا قىلمىستىق ءىس تەرگەلىپ جاتىر.

سوڭعى جاڭالىقتار