دەنساۋلىق مينيسترلىگى سپۋتنيك ۆاكسيناسىنا قاتىستى دەپۋتاتتىق ساۋالعا جاۋاپ بەردى

قازاقپارات مينيسلىكتىڭ تۇسىندىرمەسىن تولىق جاريالايدى.

***

پارلامەنت ءماجىلىسىنىڭ دەپۋتاتى امانجان جامالوۆتىڭ بۇدان بۇرىن جالپى وتىرىستا ايتىلعان دەپۋتاتتىق ساۋالىنا جاۋاپ رەتىندە مىنانى حابارلايمىز.

بۇدان بۇرىن و ك ق الاڭىندا حابارلانعانداي، ق ر دەنساۋلىق ساقتاۋ مينيسترلىگى سپۋتنيك V ۆاكسيناسىن ازىرلەۋشىلەردەن ر ع ا اكادەميگى، گامالەيا اتىنداعى ەپيدەميولوگيا جانە ميكروبيولوگيا ۇلتتىق زەرتتەۋ ورتالىعىنىڭ ديرەكتورى الەكساندر گينتسبۋرگتىڭ «Sputnik V ۆاكسيناسىنىڭ 1 كومپونەنتى مەن 2 كومپونەنتىن ەنگىزۋ اراسىنداعى ارالىقتى ەڭ تومەنگى مۇمكىن 21 كۇننەن 90 كۇنگە دەيىن كوبەيتۋگە بولادى» جانە دە «ۆاكسينا دوزالارى اراسىنداعى ارالىقتىڭ ۇلعايۋى يممۋندىق جاۋاپتىڭ كۇشىنە اسەر ەتپەيدى، ال كەيبىر جاعدايلاردا يممۋنيتەتتىڭ جوعارى بەلسەندىلىگىنە الىپ كەلەدى» دەگەن قولى قويىلعان رەسمي حات الدى. ازىرلەۋشىنىڭ وسى ۇسىنىسىن باسشىلىققا الا وتىرىپ، ق ر باس مەملەكەتتىك سانيتارلىق دارىگەرىنىڭ قاۋلىسىنا «سپۋتنيك V» ەكىنشى كومپونەنتىمەن ۆاكسيناتسيالاۋ مەرزىمىن 21 دەن 45 كۇنگە دەيىن ۇزارتۋ بويىنشا وزگەرىس ەنگىزىلدى.

بۇل رەتتە، قاجەت بولعان جاعدايدا، قازاقستان ازاماتتارى ۆاكسينانىڭ ءبىرىنشى كومپونەنتىن العان جەرى بويىنشا ءوتىنىش بەرە الادى جانە 21- كۇنى ەكىنشى كومپونەنتتى الا الادى. وسىلايشا، ۆاكسينانىڭ ەكى كومپونەنتى اراسىنداعى ينتەرۆال بويىنشا ق ر باس مەملەكەتتىك سانيتارلىق دارىگەرىنىڭ ۇستانىمى قۇقىقتىق نەگىزگە يە جانە تەلەگرامم-ارنادان الىنعان ۇزىندىلەردە ەمەس، پرەپاراتتى ازىرلەۋشىنىڭ رەسمي تۇسىندىرمەسىندە قالىپتاسقان.

ەستەرىڭىزگە سالا كەتەيىك، رەسپۋبليكانىڭ باس سانيتارلىق دارىگەرىنىڭ قىزمەتى قازاقستان حالقىنىڭ دەنساۋلىعى تۋرالى كودەكسپەن رەتتەلەدى.

جالپى، ارالىقتىڭ ۇلعايۋى يممۋنداۋدى ەداۋىر جەدەلدەتۋگە مۇمكىندىك بەرەدى، ال ۆاكسينانىڭ ءبىرىنشى كومپونەنتىن ەنگىزۋ انتيدەنەلەر شىعارۋدى قامتاماسىز ەتۋگە جانە 3 اپتادان كەيىن ازاماتتاردا يممۋنيتەتتىڭ قالىپتاسۋىنا مۇمكىندىك بەرەدى.

«سپۋتنيك V» ۆاكسيناسىنىڭ ەكىنشى كومپونەنتى جەتكىلىكتى مولشەردە بار ەكەنىن ايتا كەتۋ كەرەك.

وسى اپتادا ەكىنشى كومپونەنتتىڭ ۆاكسينالارى 400 مىڭ دانا كولەمىندە كەلەدى دەپ كۇتىلۋدە. كوروناۆيرۋستىق ينفەكسياعا قارسى ۆاكسينالاردى ەلگە جەتكىزۋ كەستەگە سايكەس جۇرگىزىلۋدە جانە جەتكىلىكتى مولشەردە، تاپشىلىق بايقالمايدى. ق ر دەنساۋلىق ساقتاۋ مينيسترلىگى بارلىق ازاماتتاردى سانيتارلىق نورمالاردى عانا ەمەس، اقپاراتتىق گيگيەنا ەرەجەلەرىن دە قاتاڭ ساقتاۋعا شاقىرادى.

بۇل، ەڭ الدىمەن، ءارتۇرلى بايلانىس ارنالارى ارقىلى تاراتىلاتىن جالعان جانە ارانداتۋشىلىق اقپاراتتارعا سەنبەي، كوروناۆيرۋستىق ينفەكسيامەن كۇرەس جونىندەگى رەسمي كوزدەردەن الىنعان اقپاراتتى پايدالانۋدى بىلدىرەدى.