الماتىدا كارتوپ باعاسى قىمباتتادى
قالا تۇرعىندارىنىڭ ايتۋىنشا، ەڭ قىمبات كارتوپ الماتىدا، ونىڭ باعاسى 250 تەڭگە. الماتى قالالىق اكىمدىكتىڭ مالىمەتىنشە، مەگاپوليس تۇرعىندارى شامامەن جىل سايىن 200 مىڭ توننا كارتوپ تۇتىنادى.
اتالعان كوكونىس قالاعا نەگىزىنەن پاۆلودار، الماتى، قاراعاندى وبلىستارىنان جەتكىزىلەدى.
«جىل سايىن، ماۋسىمارالىق كەزەڭدە بىلتىرعى ەگىننىڭ كولەمى مەن ساپاسىنىڭ تومەندەۋىنە بايلانىستى ءونىمنىڭ قىسقا مەرزىمدى جەتىسپەۋشىلىگى بايقالادى. جاڭا ءونىم كوپ بولمايدى. سوندىقتان نارىقتىق سۇرانىستى تولىق جابا المايدى. وسى كەزەڭدە كوكونىس وزبەكستان، قىرعىزستان، تاجىكستان، پاكىستان جانە مىسىردان يمپورتتالادى، ولاردىڭ قۇنى لوگيستيكا مەن ۆاليۋتا باعامدارىن ەسكەرە وتىرىپ انىقتالادى»، - دەپ ءتۇسىندىردى باسقارمادان.
باسقارما يمپورتتىق ونىمدەر نارىقتا قىسقا مەرزىمدە بولاتىندىعىن اتاپ ءوتتى. ولاردىڭ ورنىن جاقىن ارادا تۇركىستان ءوڭىرىنىڭ كوكونىسى الماستىرادى.