كوكشەتاۋدا جوعالعان مۇعالىم قاڭعىباستار اراسىنان تابىلدى

None
None
كوكشەتاۋ. قازاقپارات - اقمولا پوليتسەيلەرى س ق و- لىق جوعالعان مۇعالىمدى كوكشەتاۋ قالاسىنىڭ قاراۋسىز قالعان ورىندارىنىڭ بىرىنەن بەلگىلى تۇراعى جوق ادامدار اراسىنان تاپتى،

دەپ حابارلايدى قازاقپارات ءتىلشىسى وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، اقمولالىق پوليتسەيلەر س ق و- دان كوكشەتاۋعا كەلىپ، جوعالىپ كەتكەن 32 جاستاعى مۇعالىمنىڭ تۇرعان جەرىن انىقتادى.

«ول كوكشەتاۋ قالاسىنداعى قاراۋسىز قالعان جەرلەردىڭ بىرىنەن تابىلدى. وندا ول بەلگىلى ءبىر تۇرعىلىقتى جەرى جوق ادامدار اراسىندا تۇنەپ شىقتى. ەر ادام بۇل ارەكەتىن ءتۇسىندىرىپ بەرە المادى. وعان قاتىستى قانداي دا ءبىر قىلمىس پەن قۇقىق بۇزۋشىلىق جاسالماعانى انىقتالدى»، - دەپ اتاپ ءوتتى ۆەدومستۆودان.

پوليتسەيلەر تەك جىل باسىنان بەرى اقمولا وبلىسىندا 33 ادام جوعالىپ كەتكەنىن، ونىڭ 26-سى ىزدەستىرىلگەنىن ايتتى. جالپى وبلىس اۋماعىندا 30 ادام ىزدەستىرىلۋدە. بۇعان ەرىكتىلەر مەن جەرگىلىكتى تۇرعىندار جان- جاقتى كومەك كورسەتىپ وتىر.

ەسكە سالا كەتەيىك، 10- مامىر كۇنى ساعات 17:17 كەزىندە كوكشەتاۋ قالالىق پوليتسيا باسقارماسىنىڭ كەزەكشى بولىمىنە س ق و اۋىلدارىنىڭ بىرىنەن 53 جاستاعى تۇرعىن حابارلاسىپ، كوكشەتاۋ قالاسىنا كەتكەن 32 جاستاعى ۇلىن ىزدەۋگە كومەك سۇراعان بولاتىن.

اۆتور: اسلان وسپانوۆ

سوڭعى جاڭالىقتار