يگور سون: توكيو وليمپياداسىنا دەيىن مۇنداي اۋىر سالماقتى كوتەرگەن ەمەسپىن
توكيوداعى وليمپيادا ويىندارىندا قازاقستاندىق زىلتەمىرشى يگور سون قولا مەدال جەڭىپ الدى. سپورتشى جارىس كەزىندە قاتتى قوبالجىعانىن جاسىرمادى.
«ويىمدى جيناقتاۋعا تۋرا كەلدى. قالاي ۋايىمداعانىمدى سوزبەن جەتكىزە المايمىن. توكيوعا دەيىن وسىنشا سالماق كوتەرگەن ەمەسپىن. دەمەك، بۇل مەنىڭ ءىرى جارىستاردا كورسەتكەن ەڭ جاقسى ناتيجەم. جاتتىعۋ زالىندا قارسىلاستاردى باقىلاپ وتىردىق. باستى قارسىلاسىم زىلتەمىردى قيسايتىپ العان كەزدە دە ۋايىمىم كەتە قويمادى. ءبارى بولۋى مۇمكىن عوي. مەن جۇلقا كوتەرۋدەن جاقسىمىن، سەرپە كوتەرۋدە ءبىراز قيىندىق بار. ال تورەشىلەر ەسەپتەمەي قويعان ەكى مۇمكىندىككە كەلەر بولساق، ەكەۋىندە دە شىنتاعىمنىڭ قوزعالعانى كەرى اسەر ەتتى. ءبارى تازا بولۋى كەرەك. راحمەت، قازاقستان! ماعان قولداۋ كورسەتكەندەردىڭ بارىنە العىس ايتامىن. العا، قازاقستان»، - دەدى سون.