قىرعىزستاندا كوروناۆيرۋستىڭ تاراۋ قارقىنى باسەڭسي باستادى

بۇل تۋرالى ەلدىڭ دەنساۋلىق ساقتاۋ ءمينيسترىنىڭ ورىنباسارى ۇلۇق- بەك بەكتۇرعانوۆ ءمالىم ەتتى، دەپ حابارلايدى قازاقپارات قىرعىزستاننىڭ كابار اگەنتتىگىنە سىلتەمە جاساپ.

ونىڭ ايتۋىنشا، ودان ءبىر اپتا بۇرىن كۇن سايىن ۆيرۋستى 1100-1200 ادام جۇقتىرسا، وتكەن اپتادا 970-990 ادام جۇقتىردى.

«اۋرۋ دەڭگەيىنىڭ تومەندەۋى تامىز ايىنىڭ ورتاسى نەمەسە سوڭىنا دەيىن جاقسى قارقىنمەن جالعاسادى دەپ ۇمىتتەنەمىز. بۇل رەتتە ۆاكسيناتسيا باستى ءرول اتقارادى دەپ سانايمىز. قازىر ۆاكسيناتسيا بەلسەندى تۇردە جۇرگىزىلىپ جاتىر. ادامداردى ەكپە الۋعا جانە ۆاكسينا تۋرالى جالعان اقپاراتقا سەنبەۋگە شاقىرامىز. ەگەر ادامداردىڭ بارلىعى بارىپ ۆاكسينا الاتىن بولسا، COVID-19-دىڭ كەلەسى 4-5 تولقىنىن وڭاي ەڭسەرەمىز. ءبىز قازان ايىنا دەيىن حالىقتىڭ % 70- ىن ۆاكسينالاۋدى جوسپارلاپ وتىرمىز»، - دەدى ول.

اۆتور: اياۋلىم التىنبەك