ەلوردادا ا ق ش ازاماتى ماس كۇيدە ۇستالىپ، جۇرگىزۋشى كۋالىگىنەن ايىرىلدى

دەپ حابارلايدى قازاقپارات ءتىلشىسى نۇر- سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

جەدەل الدىن الۋ شاراسىنىڭ قورىتىندىسى بويىنشا، نۇر- سۇلتان قالاسىندا 4000-عا جۋىق اكىمشىلىك قۇقىق بۇزۋ فاكتىسى انىقتالدى. ولاردىڭ 33- ءى - ماس كۇيىندە كولىك قۇرالىن باسقارۋ فاكتىسى.

كولىك باسقارۋ قۇقىعىنان ايىرىلعان 4 جۇرگىزۋشى ۇستالدى. قارسى جولاققا شىعۋدىڭ 19 فاكتىسى انىقتالدى، جۇرگىزۋشىلەردىڭ جاياۋ جۇرگىنشىلەرگە جول بەرمەگەنى قامتىلعان 112 فاكتى تىركەلدى، 730 جاياۋ جۇرگىنشى جولدى ءتيىستى ەمەس جەردەن كەسىپ وتكەن.

جەدەل الدىن الۋ شاراسى بارىسىندا پوليتسياعا «Toyota» ماركالى اۆتوكولىكتى ماس جۇرگىزۋشى تىزگىندەپ كەلە جاتقانى تۋرالى حابار كەلىپ تۇسكەن. پاترۋلدىك پوليتسيانىڭ مامانداندىرىلعان باتالونىنىڭ قىزمەتكەرلەرى ە-10 كوشەسىنىڭ بويىندا اۆتوكولىكتى توقتاتتى. قۇجاتتارىن تەكسەرۋ بارىسىندا جۇرگىزۋشى ا ق ش ازاماتى ەكەنى انىقتالدى، اۆتوكولىك يەسى تىزگىندە ءوزىنىڭ تانىسىنا بەرگەن ەكەن. كولىك ىشىنەن ىشىمدىكتىڭ ءيىسى شىعىپ تۇرعان. جۇرگىزىلگەن مەديتسينالىق ساراپتاما قورىتىندىسى بويىنشا جۇرگىزۋشى جەڭىل دارەجەدە ماس كۇيىندە بولعانى انىقتالدى.

مامانداندىرىلعان اۋدانارالىق اكىمشىلىك سوتىنىڭ قاۋلىسىمەن كولىك جۇرگىزۋشىسى مەن يەسى ارنايى قابىلداۋ ورنىنا 15 تاۋلىككە ورنالاستىرىلدى، سونىمەن قاتار 7 جىلعا جۇرگىزۋشى كۋالىگىنەن ايىرىلدى.

اۆتور: اياۋلىم التىنبەك