18:02, 26 - شىلدە 2021 | GMT +6
ا ق ش اۋعانستان اسكەرىنە اۋە كۇشتەرىمەن قولداۋ كورسەتەدى
نۇر- سۇلتان. قازاقپارات – ا ق ش «تاليبانعا» قارسى كۇرەسىپ جاتقان اۋعانستان اسكەرىنە اۋە كۇشتەرىمەن قولداۋ كورسەتەدى. بۇل تۋرالى قۇراما شتاتتار قارۋلى كۇشتەرىنىڭ ايماقتاعى قولباسشىسى مالىمدەدى.
گەنەرال كەننەت ماككەنزيدىڭ مالىمدەۋىنشە، اۋعانستاننىڭ قازىرگى ۇكىمەتى ەلدى تالىپتەردەن قانشالىقتى قورعاي الاتىنى الداعى كۇندەرى بەلگىلى بولادى. سودىرلار كابۋل ماڭىنداعى پروۆينتسيالاردى باسىپ العان بولاتىن. وسىنىڭ الدىندا اقش پرەزيدەنتى دجو بايدەن امەريكا اسكەرىن قىركۇيەككە قاراي تولىق شىعاراتىنىن مالىمدەگەن ەدى.
كەننەت ماككەنزي، ا ق ش اسكەرىنىڭ ايماقتاعى قولباسشىسى:
- مەنىڭ ويىمشا، تالىپتەر كابۋلعا شابۋىلدى بۇرىننان جوسپارلاپ جۇرگەن. سوڭعى بىرنەشە كۇندە ءبىز سودىرلارعا قارسى اۋە شابۋىلىن كۇشەيتتىك. وسىلايشا، اۋعان اسكەرىنە دەم بەرىپ جاتىرمىز. تالىپتەر تىزە بۇككەنشە سوققىلاردى توقتاتپايمىز.
www.24.kz