قازاق جانە جاپون مۋزىكانتتارى وليمپيادا قاتىسۋشىلارىنا كومپوزيتسيا ارنادى

None
None
نۇر- سۇلتان. قازاقپارات - جامبىل اتىنداعى قازاق مەملەكەتتىك فيلارمونياسىنىڭ ارتيستەرى توكيودا ءوتىپ جاتقان وليمپياداعا وراي دوستىق، كەلىسىم جانە ءوزارا قولداۋعا ارنالعان بەينەروليك جاريالادى، دەپ حابارلايدى قازاقپارات.

مادەنيەت جانە سپورت مينيسترلىگىنىڭ مالىمەتىنە سەنسەك، بەينەروليككە جامبىل اتىنداعى قازاق مەملەكەتتىك فيلارمونياسىنىڭ جەكە ورىنداۋشىلارى ەرجان الىمبەتوۆ (دومبىرا)، فەدور ارتامونوۆ (ۆيولونچەل)؛ ب. بايقاداموۆ اتىنداعى مەملەكەتتىك حور كاپەللاسىنىڭ ءارتيسى ينديرا قۇدابايەۆا (ۆوكال)؛ «STEPPE SONS» التەرناتيۆ- فولك توبىنىڭ بەلدى مۇشەسى مۇراتبەك رامانقۇلوۆ سەكىلدى قازاق مۋزىكانتتارىمەن قاتار، جاپون مۋزىكانتتارى يۋميكو فۋرۋحاشي (مورينحۋۋر)، تاكەشي تاكەۋچي (ەلەكتر باس)، تۋزان حيرانو (سياكۋحاچي)، اي ياماگۋچي (ۆوكال) اتسالىسقان.

ارتيستەر بىرىگىپ روكۋسۋكە ءەيدىڭ سوزىنە، كومپوزيتور حاتيداي ناكامۋرانىڭ مۋزىكاسىنا جازىلعان جاپوندىق ءانشى كيۋ ساكاموتونىڭ ايگىلى «Ue o Muite Arukō « (Sukiyaki) ءانىن ورىنداپ شىقتى. بۇل ءان جاپونيادا 1961 -جىلى دۇنيەگە كەلگەن، بىرنەشە مەملەكەتتەردىڭ توپ- چارتتارىندا، سونىڭ ىشىندە امەريكاندىق «Billboard hot 100» چارتىندا ءبىرىنشى ورىندى يەمدەنگەن. سونىمەن قاتار، مۋزىكانتتار قازاقتىڭ «كوزىڭنىڭ ءمولدىرىن- اي» اتتى حالىق ءانىن ناقىشىنا كەلتىرىپ ورىندادى.

- مەنىڭ ويىمشا، قازاق مۋزىكانتتارىمەن بىرىگىپ جاساعان كومپوزيتسيامىز وتە جىلى ءارى شىنايى شىققان سەكىلدى. بۇل شىعارماشىلىق كوللابوراتسيا كەرەمەت بولدى، مەن جۇمىس قورىتىندىسىنا تاڭ قالىپ وتىرمىن. جوباعا قاتىسقان بارشا مۋزىكانتتارعا جانە جوباعا قاتىسۋعا شاقىرعان سەرىك نۇرمولدايەۆقا العىسىمىز شەكسىز! - دەپ جازادى ءوزىنىڭ جەكە پاراقشاسىندا جوباعا قاتىسۋشىلاردىڭ ءبىرى يۋميكو فۋرۋحاشي.

جوبا مۋزىكانتتاردىڭ كومپوزيتسياعا قازاق جانە جاپون حالىقتارىنىڭ كونە مۋزىكالىق اسپاپتارىن پايدالانۋىمەن جانە ءاننىڭ ءتۇپنۇسقا تىلىندە ورىندالۋىمەن ەرەكشەلەنگەن. بەينەروليكتە ەكى مەملەكەتتىڭ ايرىقشا تابيعاتى مەن كونە سالت- داستۇرلەرى كورسەتىلدى. كومپوزيتسيانىڭ نەگىزگى يدەياسى - حالىقتار اراسىنداعى ءوزارا بايلانىستى ورناتۋ جانە قولداۋ كورسەتۋ.



سوڭعى جاڭالىقتار