جاپوندىق تۋريستەر بايقوڭىردان عارىشقا ۇشادى

حالىقارالىق عارىش ستانساسىنا (ح ع س) «سويۋز مس-20» كەمەسىمەن عارىشقا ۇشۋدىڭ قاتىسۋشىلارى - جاپوندىق كاسىپكەر يۋساكۋ ماەزاۆا جانە ونىڭ كومەكشىسى يوزو حيرانو اتتانۋى ءتيىس. ح ع س- قا 20-شى ەكسپەديتسيانىڭ كومانديرى - رەسەيلىك عارىشكەر الەكساندر ميسۋركين.

جاپونيا وكىلدەرى عارىشقا تۋريستەر رەتىندە ۇشادى. ولاردىڭ جۇلدىزدى قالاشىقتا عارىشكەرلەردى دايارلاۋ ورتالىعىنداعى جاتتىعۋلارى ماۋسىمدا باستالعان، قازان ايىنىڭ ورتاسىنا قاراي ۇشۋعا قاتىسۋشى جاپوندىقتار داعدىلارىن تانىتا ءبىلدى. بۇعان ە پ-20 ەكيپاجىنىڭ جاتتىعۋ پروتسەسىن تاماشالاعان رەسەيلىك جانە شەتەلدىك باق وكىلدەرى كوز جەتكىزدى.

«ماعان ەڭ قاتتى اسەر ەتكەنى - سالماقسىزدىقتاعى جاتتىعۋلار، بۇل ەشتەڭەمەن سالىستىرۋعا كەلمەيتىن سەزىم»، - دەدى يۋساكۋ ماەزاۆا تىلشىلەرگە بەرگەن سۇحباتىندا.

رەسەي قاھارمانى، عارىشكەر الەكساندر ميسۋركين ەكيپاجداعى جولداستارىنىڭ قابىلەتى مەن ادامگەرشىلىك قاسيەتتەرىن جوعارى باعالادى.

بايقوڭىر عارىشايلاعىنان ە پ-20 ەكيپاجى بار «سويۋز مس-20» پيلوتتىق جۇك كەمەسىن ۇشىرۋ 2021 -جىلدىڭ 8 جەلتوقسان كۇنىنە بەلگىلەنگەن. ۇشۋ ۇزاقتىعى 12 تاۋلىكتى قۇرايدى.

وسى ارادا، 17- قازاندا عارىشقا ۇشۋدىڭ باسقا قاتىسۋشىلارى - اكتريسا يۋليا پەريسيلد پەن رەسجيسسەر كليم شيپەنكود جانە عارىش كەمەسىنىڭ كومانديرى، عارىشكەر ولەگ نوۆيتسكييدەن قۇرالعان العاشقى كينوەكيپاجدىڭ عارىشتان جەرگە ورالۋى كۇتىلىپ وتىر.