ازەربايجان مەن ارمەنيا تاتۋلاسا ما؟

نيكول پاشينيان ارمەنيا مەن ازەربايجان حالىقارالىق سوتقا جۇگىنگەنىن اتاپ ءوتتى. قازىر سوت پروتسەسى باستالعان. الايدا تاراپتار تاتۋلاسۋعا دا قارسى ەمەس.

يلحام الييەۆ، ازەربايجان رەسپۋبليكاسىنىڭ پرەزيدەنتى

- ەگەر ءبىزدىڭ اۋماقتىق تۇتاستىعىمىزدى مويىندايتىن بولسا ارمەنيامەن بىتىمگە كەلۋگە دايىنبىز. ارميان تاراپىمەن بەيبىت كەلىسىم تۋرالى كەلىسسوزدەر جۇرگىزۋگە دە ءازىرمىز. ازەربايجان جەڭىسكە جەتكەن ەل رەتىندە قارىم- قاتىناستى قالىپقا كەلتىرۋگە دايىن.

ءوز كەزەگىندە ارمەنيا مۇنداي تاريحي مۇمكىندىكتى وتكىزىپ المايدى دەپ ويلايمىز. قازىرگى نەگىزگى ماسەلە - قيراعان ۇيلەردى، تاريحي- مادەني نىسانداردى، وزگە دە ينفراقۇرىلىمدى قالىپقا كەلتىرۋ.

نيكول پاشينيان، ارمەنيانىڭ پرەمەر- ءمينيسترى:

- باستى ماسەلە قازىر ارمەنيا مەن ازەربايجان اراسىندا بەيبىت كەلىسىم تۋرالى قۇجاتتى بەكىتۋ. بۇل ءۇشىن كەلىسسوزدەردى ەۋروپاداعى قاۋىپسىزدىك جانە ىنتىماقتاستىق ۇيىمى مينسك توبىنىڭ ءتوراعالىق ەتۋىمەن باستاۋ ماڭىزدى دەپ سانايمىز. ارمەنيا بۇل تۇرعىدا بارلىق باعىتتا جۇمىس ىستەۋگە ءازىر ەكەنىن اتاپ وتكىم كەلەدى. بۇل وڭىردە باياندى بەيبىتشىلك ورناۋىنا سەپتىگىن تيگىزەدى دەپ ويلايمىن. تۇركيامەن دە قارىم- قاتىناسىمىز رەتتەلىپ كەلەدى. مۇنى دا جاقسىلىقتىڭ نىشانى دەپ بىلەمىن.

www.24.kz