الماتىدا كۇزگى اعاش وتىرعىزۋ ناۋقانى باستالدى

قالانىڭ «الماتى باس جوسپار» ع ز ي» جشس ازىرلەگەن الماتى قالاسىن 2030-جىلعا دەيىن كوگالداندىرۋ ستراتەگياسىنا سايكەس بارلىق سەگىز اۋدان قامتىلدى. جالپى، 2021 -جىلى 350 مىڭعا جۋىق اعاش ەگۋ جوسپارلانعان، ونىڭ 64594 ءى كوكتەمدە وتىرعىزىلدى. قازىر قالعان 285 مىڭ كوشەتتى وتىرعىزۋ قولعا الىندى. الماتىنىڭ جاڭا اۋداندارىنا ەرەكشە نازار اۋدارىلادى. وسىلايشا اعاشتاردىڭ باسىم بولىگى الاتاۋ، ناۋرىزباي اۋداندارىندا وتىرعىزىلاتىن بولادى.

بۇگىنگى كۇنى تۇركسىب اۋدانىندا 280 ءتۇپ اعاش وتىرعىزىلدى. شىعىس اينالما مەن قاراعاي توعايىندا جۇمىستار باستالىپ، 8 مىڭنان اسا اعاش وتىرعىزۋعا ارنالعان شۇڭقىر قازىلدى. سونىمەن قاتار، قالادا كەز كەلگەن الماتىلىققا اعاش وتىرعىزۋعا مۇمكىندىك بەرەتىن «جاسىل قالا» ناۋقانى جاريالاندى.