كوروناۆيرۋسقا قارسى ۆاكسيناتسيا بويىنشا قاي ءوڭىر كوش باستاپ تۇر

None
None
الماتى. قازاقپارات - قازاقستاندا الماتى قالاسى كوروناۆيرۋسقا قارسى ۆاكسيناتسيا بويىنشا كوش باستاپ تۇر.

الماتى قالاسىندا ءبىر تاۋلىكتە 1370 ادام كوروناۆيرۋسقا قارسى ۆاكسينا سالدىردى.

بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى قازاقپارات ءتىلشىسى.

«17-قازان كۇنى 1370 الماتىلىق ۆاكسينا سالدىردى. كوروناۆيرۋسقا قارسى ەكپەنىڭ I كومپونەنتىن 572، II كومپونەنتىن 798 ادام الدى. ۆاكسينا سالدىرعاندار سانى بويىنشا الماتى قالاسى الدىڭعى ورىندا. بيىلعى جىلدىڭ 1-اقپانى مەن 17-قازان ارالىعىندا قالادا 978172 تۇرعىن ۆاكسينانىڭ ءبىرىنشى كومپونەنتىن، 911923 ادام ەكىنشى كومپونەنتىن سالدىرعان. ولاردىڭ ىشىندە 119755 ادامنىڭ جاسى 60 تان اسقان»، - دەپ حابارلادى باسقارمادان. قالادا 160 پۋنكت جۇمىس ىستەپ تۇر. 1028 ادامنان تۇراتىن 237 ەگۋ بريگاداسى بار.

«قازىر مەديتسينا ۇيىمدارىندا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ س و و- لارىندا ۆاكسيناتسيا پۋنكتى جۇمىس ىستەيدى»، - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.

اۆتور: الما مۇقانوۆا

سوڭعى جاڭالىقتار