الماتىدا ماس جۇرگىزۋشى پوليتسيا قىزمەتكەرىن قاعىپ كەتتى

الماتى قالالىق پوليتسيا دەپارتامەنتىنىڭ مالىمەتىنشە، تۇندە «بۋران-227» پاترۋلدىك ەكيپاجى قابانباي باتىر كوشەسىندە قاراما-قارسى باعىتتاعى جولاقتا كەلە جاتقان «Hyundai» اۆتوكولىگىن توقتاتتى.

«پوليتسيا قىزمەتكەرلەرىنىڭ تالاپتارىنا ءمان بەرمەگەن كولىك جۇرگىزۋشىسى قاشا جونەلگەن. بىردەن راديوستانسيا ارقىلى پاترۋلدىك جاساقتارعا كورسەتىلگەن كولىككە باعدار بەرىلدى جانە ونىڭ قوزعالىسىنىڭ كوورديناتتارى دەرەۋ تاراتىلدى. تالعار قالاسىنىڭ باعىتىنداعى ەكولوگيالىق پوستتا قىزمەت ەتىپ تۇرعان پوليتسيا اعا لەيتەنانتى مەيىرجان بيسەمبايەۆ قۇقىق بۇزۋشىنى توقتاتۋعا تىرىستى، ول توقتاماستان، ينسپەكتوردى تولىق جىلدامدىقپەن قاعىپ كەتتى»، - دەيدى الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆ.

ءتۇرلى دەنە جاراقاتىن العان پوليتسيا قىزمەتكەرى اۋرۋحاناعا جەتكىزىلدى. «Hyundai» جۇرگىزۋشىسى ۇستالدى. قۇقىق بۇزۋشى - 1962 -جىلى تۋعان ۋ. ەسىمدى ازامات. ونىڭ كولىكتى ماس كۇيىندە باسقارعانى انىقتالدى. بۇل فاكت ق ر ق ك-نىڭ 346-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى»، - دەدى پوليتسيا وكىلى.

اۆتور: الما مۇقانوۆا