+7 (701) 759 90 19
USD 435.76 EUR 493.41
RUB 5.89 CNY 68.37
جاڭالىقتار

كوشە سىپىرعان مۇعالىمدەر: سەمەي اكىمىنىڭ ورىنباسارى ونداي تاپسىرما بەرمەگەنىن ايتتى

18 قازان 16:31
:ءبولىسۋ
كوشە سىپىرعان مۇعالىمدەر: سەمەي اكىمىنىڭ ورىنباسارى ونداي تاپسىرما بەرمەگەنىن ايتتى

سەمەي. قازاقپارات - سەمەي قالاسى اكىمىنىڭ ورىنباسارى دميتري گاريكوۆ مۇعالىمدەردى كوشە سىپىرۋعا ماجبۇرلەمەگەنىن مالىمدەدى، دەپ حابارلايدى قازاقپارات ءتىلشىسى.

وتكەن دەمالىس كۇندەرى قالا كوشەلەرىندە سەنبىلىك وتكەن. شاھار اكىمدىگىنىڭ مالىمەتىنشە، بۇل - ساياباقتاردا، جاياۋ جۇرگىنشىلەر جولى مەن اۋلالاردا تازالىقتى ساقتاۋعا باعىتتالعان قوعامدىق شارا. سەنبىلىككە مىڭنان استام ادام شىققان. بارلىعى 15 كوشە تازالاندى.

«مۇعالىمدەردى سەنبىلىككە شىعارۋعا ەشكىم نۇسقاۋ بەرگەن جوق. بۇل - ءار ادامنىڭ جەكە تاڭداۋى. سەنبىلىك تۋرالى حات مەنشىك نىسانىنا قاراماستان بارلىق ۇيىمدارعا جىبەرىلدى. ويتكەنى مۇنداي شارالاردى وتكىزۋ كەزىندە بارلىق جەردە سولاي جاسالادى. كەلۋدى مىندەتتەيتىن جانە بۇل كۇنى ساباق وتكىزبەۋ تۋرالى ءسوز بولعان جوق»، - دەيدى قالا اكىمىنىڭ ورىنباسارى ديميتري گاريكوۆ.

ەستەرىڭىزگە سالا كەتسەك، وسىعان دەيىن الەۋمەتتىك جەلىلەردە سەمەيدە مۇعالىمدەردىڭ كوشە سىپىرىپ جۇرگەنى قىزۋ تالقىعا سالىنعان بولاتىن. ق ر ءبىلىم جانە عىلىم ءمينيسترى اسحات ايماعامبەتوۆ اتالعان فاكتىگە وراي تەكسەرۋ ءجۇرىپ جاتقانىن مالىمدەگەن ەدى.

اۆتور: تالعاتجان مۇحامەتبەك ۇلى


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات