18:04, 18 - قازان 2021 | GMT +6
كورەيادا ەكى قازاقستاندىق توبەلەسىپ، بىرەۋى كوز جۇمدى - س ءى م
نۇر- سۇلتان. قازاقپارات - كورەيا رەسپۋبليكاسىنىڭ چوندجوۋ قالاسىندا ەكى قازاقستاندىق ازامات ءوزارا جانجالداسىپ، ونىڭ سالدارىنان بىرەۋى مەرت بولدى.
بۇل تۋرالى قازاقپارات تىلشىسىنە ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى.
«2021- جىلعى 12 - قازاندا چوندجۋ قالاسىندا (كورەيا رەسپۋبليكاسى) قازاقستارننىڭ ەكى ازاماتى اراسىندا بولعان تۇرمىستىق جانجالدىڭ سالدارىنان بىرەۋى پىشاق جاراقاتىن الىپ، سوڭىنان قايتىس بولدى. قازىرگى ۋاقىتتا كىسى ءولتىردى دەگەن كۇدىكتى قازاقستان ازاماتى تۇتقىندالىپ، تەرگەۋ يزولياتورىنا قامالدى. سەۋلدەگى ق ر ەلشىلىگىنىڭ كونسۋلدىق ءبولىمى مارقۇمنىڭ دەنەسىن قازاقستانعا جىبەرۋ ماسەلەسىن شەشىپ جاتىر»، - دەپ ءمالىم ەتتى ايبەك سمادياروۆ.
ونىڭ ايتۋىنشا، اتالعان قازاقستاندىق ازاماتتار وڭتۇستىك كورەيادا زاڭسىز جۇمىس ىستەپ جۇرگەن.