شاحتينسك تۇرعىنى تاعى دا رەكورد جاساپ، بەسىنشى مارتە گيننەس كىتابىنا ەندى

None
None
شاحتينسك. قازاقپارات - شاحتينسك قالاسىنىڭ ون توعىز جاسار تۇرعىنى رۋسلان فاتاحوۆ ستريتليفتينگ بويىنشا بەس رەكورد ورناتىپ، گيننەسستىڭ رەكوردتار كىتابىنا ەندى.

سونىمەن قاتار، وسى جازدا ول قوسىمشا سالماقپەن تارتىلۋدان الەم چەمپيونى اتاندى، دەپ حابارلايدى قازاقپارات ءتىلشىسى.

رۋسلان بەس جاسىنان باستاپ سپورتپەن شۇعىلدانادى. الدىمەن گرەك- ريم كۇرەسى، سودان كەيىن جەڭىل اتلەتيكا، فۋتبول، باسكەتبول، ۆولەيبول بولدى. 16 جاسىندا رۋسلان اۋىر سالماق كوتەرۋمەن اينالىسا باستادى.

«مەن بوس ۋاقىتىمدى ستريتليفتينگكە ارنادىم. باسىندا ءبارى ويداعىداي بولمادى، ءبىراق بۇل مەنى ودان بەتەر العا يتەرمەلەدى. مەن ءارقاشان ءبىرىنشى بولعىم كەلەدى. ءبىراق ول ءۇشىن كوپ ەڭبەك ەتۋ كەرەك. رەكوردتار قويۋ يدەياسى ماعان ءبىر جارىم جىل بۇرىن كەلدى. 2020 -جىلدىڭ قازان ايىندا مەن گيننەسستىڭ رەكوردتار كىتابىنا قوسىمشا سالماقپەن تارتىلۋ تۋرالى ءوتىنىش بەردىم. ريۋكزاكپەن تارتىلۋ كەرەك ەدى»، - دەيدى رۋسلان.

جاس جىگىت وسى نوميناتسياداعى بارلىق جەتى رەكوردقا قول جەتكىزۋدى ءۇيعاردى. وسى جىلدىڭ ءساۋىر ايىندا ول ولاردى ەكى جاتتىقتىرۋشىنىڭ قاتىسۋىمەن جانە فوتو جانە ۆيدەو ءتۇسىرىلىم كومەگىمەن تىركەدى. بەينەروليكتەر مەن قاجەتتى قۇجاتتاردى جىبەرىپ، رۋسلان التى ايعا جۋىق جاۋاپ كۇتتى. جاقىندا ول بەس رەكوردقا قول جەتكىزگەنىن راستايتىن قۇجات كەلدى. تاعى ەكى سانات بويىنشا ناتيجە ءالى جوق.

«وسى جىلدىڭ تامىز ايىندا كيەۆتە (ۋكراينا) ستريتليفتينگ جانە Workout-رەكوردتار بويىنشا الەم چەمپيوناتىنا قاتىستىم. قوسىمشا سالماعى 32 كەلى بولاتىن تارتىلۋدان الەم چەمپيونى اتاندىم. مەن 2017 -جىلدان بەرى كەلە جاتقان الەمدىك رەكوردتى جاڭارتتىم»، - دەيدى سپورتشى.

قازىر رۋسلان رەسەيدە وقيدى. جىگىت بوس ۋاقىتىن ءالى دە تۇراقتى جاتتىعۋلارعا ارنايدى. بولاشاقتا ول ءوز ءومىرىن سپورتپەن بايلانىستىرعىسى كەلەدى.

«مەن Workout جانە ستريتليفتينگ بويىنشا ءوز سەكتسيامدى اشىپ، ادامداردى ءوز تاجىريبەمەن جانە بىلىمىممەن ءبولىسۋ ءۇشىن جاتتىقتىرعىم كەلەدى. مەنىڭ ويىمشا، سپورت ءار ادامنىڭ ومىرىندە بولۋى كەرەك، كۇنىنە كەم دەگەندە 10- 20 مينۋت ۋاقىت ءبولۋ كەرەك. سونداي- اق، جاڭا رەكوردتار ورناتقىم كەلەدى، مۇمكىن تەك تارتىلۋلاردا عانا ەمەس، باسقا سپورت تۇرلەرى بويىنشا دا باعىمدى سىناپ كورەرمىن»، - دەيدى رۋسلان فاتاحوۆ.

سوڭعى جاڭالىقتار