قازاقستاندىق شەبەر سۇيەكتەن بۇيىم جاساۋدان حالىقارالىق سايىستا جەڭىمپاز بولدى - فوتو

«الەم حالقىنىڭ سۇيەك كەسۋ ونەرى» اتتى حالىقارالىق فەستيۆال رەسەيدىڭ ماگادان قالاسىندا ءوتتى. سۇيەكتەن ءتۇرلى بۇيىمدار جاساۋ بايقاۋىنا ا ق ش، كانادا، نورۆەگيا، قىتاي، شۆەتسيا، قازاقستان، فينليانديا، بەلارۋس، ۋكراينا، رەسەي جانە تاعى باسقا ەلدەردەن شەبەرلەر قاتىسقان. بارلىعى 40 شاقتى ۇستا ءوزارا باق سىنادى.

سول سايىستا وتانداسىمىز، اقمولا وبلىسى شورتاندى اۋدانىنىڭ مادەنيەت جانە تىلدەردى دامىتۋ ءبولىمى جانىنداعى «ويىن-ساۋىق ورتالىعىنىڭ» سۋرەتشىسى بەكتاس كارىم «ونەردەگى رۋحانيات» نوميناتسياسى بويىنشا I دارەجەلى ديپلوممەن ماراپاتتالدى. سۇيەك شەبەرى بۇعان دەيىن ا ق ش، وزبەكستان، موڭعوليادا وتكەن كورمەلەرگە قاتىسىپ، اتالعان سالا بويىنشا وتكەن شارالاردان جۇلدەلى ورىندارعا يە بولعان.

اۆتور: ءالي يبرايەۆ