سەناتورلار قانداستاردىڭ كوشى- قون ماسەلەسىن تالقىلادى

None
None
نۇر- سۇلتان. قازاقپارات - «ءوڭىر» دەپۋتاتتىق توبىنىڭ مۇشەلەرى اقمولا وبلىسىنداعى ارشالى اۋدانىندا بولىپ، ونداعى قۇرىلىس بارىسىن كوردى، دەپ حابارلايدى «حابار 24».

سونداي- اق دۇنيەءجۇزى قازاقتارى قاۋىمداستىعى جۇزەگە اسىرىپ جاتقان «اسار» پيلوتتىق جوباسىمەن تانىستى. جوبا ەلىمىزدىڭ سولتۇستىك وڭىرلەرىنە وڭتۇستىكتەگى قانداستاردىڭ قونىس اۋدارۋىنا جاردەمدەسەدى. وندا بىركەلكى تيپتەگى 1282 كوتتەدج سالۋ ءۇشىن 1 ميلليارد تەڭگەدەن استام قارجى ينۆەستيتسيالانعان.

ال ءتيىستى ينفراقۇرىلىمدى، ونىڭ ىشىندە جولدار مەن سۋ قۇبىرلارىن سالۋ ءۇشىن رەسپۋبليكالىق بيۋدجەتتەن 5,5 ميلليارد تەڭگە ءبولىندى. ال جاڭا مەكەنگە كوشىپ كەلگەندە تۇرعىندار جۇمىسسىز قالماس ءۇشىن اۋىل ماڭىنا جىلىجاي، بورداقىلاۋ جانە اۋىل شارۋاشىلىعى ونىمدەرىن ساتاتىن ساۋدا الاڭدارىن سالۋ جوسپارلانىپ وتىر. بۇل 3,5 مىڭنان استام جۇمىس ورنىن اشۋعا مۇمكىندىك بەرەدى.


سوڭعى جاڭالىقتار