ديماش توكيودا وتەتىن دجاز فەستيۆالىندە جاپون تىلىندە ءان ايتادى

None
None
نۇر- سۇلتان. قازاقپارات - قازاقستاندىق ونەر جۇلدىزى ديماش قۇدايبەرگەن 28- قاراشا كۇنى توكيودا وتەتىن دجاز فەستيۆالىندە جاپون تىلىندە ءان ايتادى.

وسىعان وراي dimashnews سايتى فەستيۆالدى ۇيىمداستىرۋشى بەلگىلى پروديۋسەر، «NHK» تەلەكومپانياسىنىڭ وكىلى حيرويۋكي ياماناكادان سۇحبات الدى، دەپ حابارلايدى قازاقپارات ءتىلشىسى.

20 جىل قاتارىنان ۇزىلمەي ءوتىپ كەلە جاتقان فەستيۆالگە ديماش وسىمەن ەكىنشى رەت قاتىسقالى وتىر. سۇحبات بارىسىندا جاپون پروديۋسەرى ديماشتىڭ بىلتىرعى فەستيۆالگە قاتىسۋى جاپونيا تۇرعىندارىنا تاڭعاجايىپ اسەر سىيلاعانىن ايتادى.


«ديماشتىڭ بىلتىرعى فەستيۆالدە ونەر كورسەتۋى ۇلكەن اسەر تۋعىزعان بولاتىن. شارا بيىل دا ونلاين وتەتىن بولعاندىقتان، ديماشقا قولقا سالدىق. ول بىردەن دەرلىك كەلىستى. ونىسى ءۇشىن وعان وتە ريزامىز. ديماشتىڭ بىلتىر توكيو فەستيۆالىنە قاتىسۋى بۇكىل الەم ءۇشىن سەنساتسيا بولدى. جاپونيادا دا تانىمالدىعى ارتتى»، - دەيدى حيرويۋكي ياماناكادا.


پروديۋسەر قازاقستاندىق ءانشىنىڭ جاپونياداعى فاناتتارى ونىڭ توكيو تورىندە ءان سالۋىن اسىعا كۇتىپ جۇرگەنىن ايتادى.

«ديماشتىڭ داۋىسىن العاش رەت 2015 -جىلى ىستانبۇلدا ەستىگەندە، مەن قاتتى تاڭعالعان بولاتىنمىن. وسى التى جىلدىڭ ىشىندە ونىڭ توقتاۋسىز دامىپ كەلە جاتقانىن كورگەن سايىن تاڭعالامىن. وسى بەتىنەن تانباي، داعدىلارىن جەتىلدىرىپ، اۆتورلىق اندەر شىعارۋىن، حالىقارالىق ساحنادا دا قىزمەتىن ءساتتى جالعاستىراتىنىنا سەنەمىن. بۇل جولى ديماش Tokyo Jazz-دا جاپون تىلىندە ءان شىرقايدى. ءبىراق ءدال قاي ءاندى ايتاتىنى ازىرگە قۇپيا»، - دەيدى «NHK» تەلەكومپانياسىنىڭ وكىلى.

اۆتور: ەسىمجان ناقتىباي

سوڭعى جاڭالىقتار