اقىن، دەپۋتات قانداسىمىزدىڭ جاڭا كىتابى جارىق كوردى - شەتەلدەگى قازاق ءتىلدى ب ا ق- قا شولۋ

دوپينگپەن ۇستالعانداردىڭ ناتيجەسى جويىلىپ، قازاق بالۋانعا اتاق بەرىلدى - Kaznews

وسى اپتادا موڭعوليانىڭ بىرنەشە ۇلتتىق مەرەكەسىندە كۇرەسكە قاتىسقان 9 بالۋانعا مەملەكەتتىك اتاق بەرۋ جانە 3 بالۋاننىڭ مەملەكەتتىك اتاعىنا دارەجە قوسۋ ءراسىمى ءوتتى، دەپ حابارلايدى Kaznews.

سالتاناتتى راسىمگە موڭعوليا پرەزيدەنتىنىڭ اكىمشىلىك باسقارماسىنىڭ باسشىسى يا. سودبااتار، موڭعوليا ۆيتسە-پرەمەر ءمينيسترى س. امارسايحان قاتىسقان.

ايتا كەتەيىك، مۇستافا نۇرلان ۇلى 2019-جىلعى مەرەكەدە بەسىنشى كەزەڭدە مەملەكەتتىك ارىستان دارەجەلى ە. ويۋۋنبولدتان جىعىلعان بولاتىن. كەيىن ۇلتتىق كۇرەس فەدەراتسياسى ە. ويۋۋنبولدتان دوپينگ تابىلعانىن حابارلاعان ەدى.

سوت ۇكىمى بويىنشا دوپينگتەن ۇستالعان بالۋانداردىڭ ناتيجەسى جويىلىپ، ۇتىلعان بالۋاندارعا اتاق، دارەجە قايتادان بەرىلدى.

موڭعوليانىڭ ۇلتتىق مەيرامىن ۇيىمداستىرۋ كوميتەتىنىڭ قاۋلىسى بويىنشا مەملەكەتتىك ارىستان ب. سودنومدورجگە «ۇلەمج بادراح»، ب. ەردەنەحۇۇ، مۇستافا نۇرلان ۇلى، ب. سۋمانچۋلۋۋن قاتارلى مەملەكەتتىك لاشىن دارەجەلى پالۋاندارعا «وسوح يدەر» دارەجەسى قوسىلعان ماراپاتىن تابىس ەتتى.

ەستەرىڭىزگە سالا كەتەيىك، بايان ولگەي ايماعىنىڭ دەلۇن سۇمىنىنىڭ (كەنتىنىڭ) تۋماسى، مۇستافا نۇرلان ۇلى 2020-جىلى ۇيىمداستىرىلعان موڭعوليانىڭ مەملەكەتتىك مەيرامىندا ءۇشىنشى كەزەڭدە مەملەكەتتىك «ءپىل» دارەجەلى بالۋان ب. سورونزونبولدتى جەڭگەن.

ال، ءتورتىنشى كەزەڭدە مەملەكەتتىك «قارشىعا» دارەجەلى بالۋان ن. زولبوونى، بەسىنشى كەزەڭدە مەملەكەتتىك «لاشىن» دارەجەلى پالۋان ە. ەنحباتتى جىعىپ، مەملەكەتتىك «لاشىن» اتاعىنا يە بولعان.

وزبەكستاندىق اقىن، دەپۋتات قانداسىمىزدىڭ جاڭا كىتابى جارىق كوردى - «ءو ز ا»

كوپ جىلدار بويى ءبىلىم سالاسىندا ءتۇرلى لاۋازىمدى قىزمەت اتقارىپ، بۇگىنگى تاڭدا ساياسات جولىندا جۇمىس ىستەپ كەلە جاتقان قوعام قايراتكەرى، اقىن اقشاگۇل تولەگەنوۆانىڭ جاڭا «كافتيمداگي قالديرعوچ» (الاقانداعى قارلىعاش) اتتى كىتابى جارىق كوردى، دەپ حابارلادى «ءو ز ا» مەملەكەتتىك اقپارات اگەنتتىگى.

وزبەكستان جازۋشىلار وداعى مۇشەسى، قازىرگى كۇندە وزبەكستان ولي ءماجىلىسى زاڭ شىعارۋ پالاتاسىنىڭ دەپۋتاتى قىزمەتىندەگى اقىننىڭ كەزەكتى كىتابىندا كوپ جىلدار بويى وزبەكشە، قازاقشا جازىلعان تۋىندىلارى مەن جاڭا ولەڭدەرى ورىن العان. Uza.uz-نىڭ دەرەگىنشە، وزبەكستان تاۋەلسىزدىگىنىڭ 30 جىلدىعىنا ارنالعان كىتاپ «كافتيمداگي قالديرعوچ»، «وزبەك- ءوز اعام»، «دارد - مەحمون» سىندى ءۇش بولىمنەن تۇرادى.

ايتا كەتەيىك، اقشاگۇل تولەگەنوۆا 1964-جىلى ناۋاي وبلىسى، كارمانين اۋدانىندا دۇنيەگە كەلگەن. ءال-فارابي اتىنداعى قازاق مەملەكەتتىك ۋنيۆەرسيتەتىنىڭ تۇلەگى (1994-جىلى). «ەڭبەك داڭقى» (2018 ج. ) وردەنى يەگەرى.

2021-جىلى وتكەن «التىن قالام» بايقاۋىنىڭ «COVID-19-دىڭ وزبەكستانعا اسەرى» اتتى تاڭدامالى شىعارمالار بويىنشا ەۋروپا وداعىنىڭ العىس حاتىمەن ماراپاتتالعان. قازاق جانە وزبەك ادەبي تىلىندە وزىندىك شىعارماشىلىعىن شىڭداي بىلگەن اقىننىڭ قازىرگە دەيىن «ەركەلەگىم كەلەدى» (2002 ج.)، «ساعىنىش» (2006 ج.)، «ءبىزدىڭ ۇيگە قارلىعاش ۇيا سالعان» (2016 ج.)، «دارد - مەحمون» (2021 ج.) كىتاپتارى وقىرمانعا جول تارتقان.

«وسى ورايدا قادىرمەندى وقىرمان اقىن اقشاگۇل تولەگەنوۆانىڭ جاڭا كىتابىندا قازاق پوەزياسىنا وزىندىك قولتاڭباسىن قالدىرعان اقىن ەسەنعالي راۋشانوۆتى جوقتاپ جازعان ولەڭىن ۇسىنباقپىز...»، دەپ جازدى «ءو ز ا».

ايتا كەتەيىك، اتالعان جازبا قازاقستاندىق اقىن ەسەنعالي راۋشانوۆتىڭ قازاسىنا وراي جازىلعان اقشاگۇل تولەگەنوۆانىڭ «مەن بۇگىن جىلاپ تۇردىم» دەگەن ولەڭىمەن تۇيىندەلگەن.

التايداعى دەنە شىنىقتىرۋ ساباعى جەلى قولدانۋشىلارىن قىزىقتىردى - CNR

بىرنەشە كۇن قار جاۋعاننان كەيىن، التاي قالاسىنداعى ورتا-باستاۋىش مەكتەپتەر دەنە شىنىقتىرۋ ءپانىن تاۋ شاڭعىسى كۋرورتىنا اۋىستىرىپ، وقىتۋ ساپاسىن ارتتىرۋ ماقساتىندا شاڭعىمەن دەنە شىنىقتىرۋدى باستادى، دەپ حابارلايدى قىتايدىڭ CNR باسىلىمى.

«التاي قالالىق 2№ ورتا مەكتەپتەگى 90 نان استام وقۋشى كاسىپتىك جاتتىقتىرۋشىنىڭ نۇسقاۋىمەن شاڭعى تەبۋ جاتتىعۋىن جاسادى. ولار شاڭعى تەۋىپ جۇرگەندەگى ساتتەرىنەن سۋرەتتەر مەن ۆيدەولاردى الەۋمەتتىك جەلىگە جۇكتەگەن. ونى كورگەن جەلى قولدانۋشىلارى سپورتتىڭ وسى تۇرىنە قاتتى قىزىعۋشىلىق تانىتىپ، كوپتەگەن پىكىرلەر قالدىرعان» دەپ جازادى قىتايلىق ب ا ق.

kazakcnr.com-نىڭ كەلتىرگەن دەرەگىنە سۇيەنسەك، التاي قالاسى شاڭعى تەبۋدى ورتا-باستاۋىش مەكتەپتەردىڭ دەنە شىنىقتىرۋ پانىنە ەنگىزگەن سوڭ وقۋشىلار تاۋ شاڭعىسىن تەبۋدى ۇيرەنۋمەن بىرگە وزدەرىنە جاڭا دوستار تاپقان. كەيبىر جاس وسپىرىمدەر وسى ساباقتاردان كەيىن بولاشاقتا كاسىبي شاڭعىشى بولعىسى كەلەتىندىگىن ايتقان.

ايتا كەتۋ كەرەك، التاي قالاسى تاۋ شاڭعى تەبۋدىڭ التىن بەلدەۋىنە ورنالاسقان. قىس مەزگىلىندە قاردىڭ قالىڭدىعى ورتا ەسەپپەن 1 مەتردەن اسادى. سوندىقتان التاي قىتايلىقتاردىڭ ەڭ ساپالى تابيعي تاۋ شاڭعى تەبۋگە ىڭعايلى وڭىرلەرىنىڭ ءبىرى بولىپ سانالادى.

قازىرگى كەزدە التاي ايماعى تاۋ تۋريزمى كاسىبىن بار كۇشپەن دامىتۋدا. قار، مۇز ساياحاتى التايدىڭ تۋريستىك بەلگىسىنە اينالدى. تاياۋ جىلداردان بەرى التاي قالاسىنداعى بەس مەكتەپ دۇيسەنبىدەن جۇماعا دەيىنگى ساباق ۋاقىتىنا سايكەس كۇنىنە 400 وقۋشىنى ۇيىمداستىرىپ، مەكتەپتەن قار شاڭعى الاڭى ارالىعىنا اۆتوبۋسپەن جەتكىزەدى.

وقۋشىلار «جياڭ جۋنشان» شاڭعى الاڭىنا بارىپ نۇسقاۋشىمەن بىرگە شاڭعى تەبەدى. 2018-جىلدان قازىرگە دەيىن جالپى 46 مىڭ 300 ادام رەت قاردا شاڭعى تەبۋ جاتتىعۋىنا قاتىسقان.

تۇركيا مەن قازاقستاننىڭ ىنتىماقتاستىعى ارتۋدا - TRT

تۇركيا مەن قازاقستان اراسىندا «تۇركيا- قازاقستان شەكارا ماڭىنداعى ورتالىقتاردى دامىتۋعا ىنتىماقتاستىق كەلىسىمى» جاسالدى.

كەلىسىمگە قول قويۋ ءراسىمى ىستانبۇلدا تۇركيا ساۋدا ءمينيسترى مەحمەت مۋش جانە قازاقستان ساۋدا جانە ينتەگراتسيا ءمينيسترى باقىت سۇلتانوۆتىڭ قاتىسۋىمەن ءوتتى، دەپ حابارلايدى تۇركيا راديو تەلەۆيزيا پورتالى.

اتالعان ب اق- تىڭ دەرەگىنشە، كەلىسىمگە قول قويۋ راسىمىنەن بۇرىن تۇركيا جانە قازاقستان دەلەگاتسيالار اراسىندا كەزدەسۋ بولدى. كەزدەسۋدەن كەيىن تۇركيا-قازاقستان شەكارا ماڭىنداعى ورتالىقتاردى دامىتۋعا ىنتىماقتاستىق كەلىسىمى جاسالدى.

مينيستر مۋش تۇرىك تاراپىنىڭ ترانسشەكارالىق ساۋدانى دامىتۋدا بارىنشا كومەك كورسەتۋگە دايىن ەكەنىن ءبىلدىردى، بۇل ماسەلە بويىنشا تۇركيانىڭ ۇلكەن تاجىريبەسىن اتاپ ءوتتى.

ق ر ساۋدا جانە ينتەگراتسيا ءمينيسترى باقىت سۇلتانوۆ پەن تۇركيا رەسپۋبليكاسىنىڭ ساۋدا ءمينيسترى مەحمەت مۋش قازاقستان اۋماعىندا ترانسشەكارالىق ساۋدا-ەكونوميكالىق ىنتىماقتاستىق ورتالىقتارىن دامىتۋ سالاسىنداعى ءوزارا تۇسىنىستىك تۋرالى مەموراندۋمعا قول قويدى.

قۇرت - حالقىمىزدىڭ ەڭ پايدالى ءداستۇرلى تاعامى - CNR

قۇرت حالقىمىزدىڭ دەنساۋلىققا اسا پايدالى ۇلتتىق ءداستۇرلى تاعامىنىڭ ءبىرى. قۇرت اقۋىزعا باي قۇنارلى تاعام. سوندىقتان ونىڭ ادام دەنساۋلىعىنا پايدالى ءبىر قانشا ەمدىك قاسيەتى بار، دەپ جازادى قىتايدىڭ kazcnr.com اقپاراتتىق پورتالى.

اتالعان اقپارات كوزىنىڭ كەلتىرگەن دەرەگىنە سۇيەنسەك، قازاق قۇرتىنىڭ ادام دەنساۋلىعىنا پايدالى تومەندەگىدەي ءتورت ءتۇرلى ەمدىك قاسيەتى بار ەكەن.

«ءبىرىنشىسى - قۇرت اسقازانعا تاماقتى سىڭىرەدى، تاماقتان كەيىن قۇرت جەسەڭىز استىڭ قورتىلۋىن تەزدەتەدى. ال ەكىنشى ءبىر پايداسى قۇرت زاپىراندى باسادى. ۇشىنشىدەن، قۇرت ءىش ءوتۋدى توقتاتادى. ءىشى وتكەن ادام كۇنىنە ءۇش تال قۇرت جەسە ءىشى دەرەۋ توقتايدى. قۇرتتىڭ ءتورتىنشى ءبىر ماڭىزدى قاسيەتى - ۇنەمى قۇرت جەسە دەنەگە قاجەتتى كالتسي، مىرىش، ماگني، فوسفور سياقتى مينەرالدى زاتتار تولىقتانادى. كالتسيدىڭ ەڭ نەگىزگى قاينار كوزى قۇرت.

سوندىقتان قازاقتىڭ وسى ءبىر ۇلتتىق تاعامىن ۇنەمى جەپ تۇرۋدى ۇمىتپايىق»، دەپ جازادى قىتايلىق ب ا ق.

قازاقستان دەلەگاتسياسى 21-حالىقارالىق تۇرمىستىق تەحنيكا كورمەسىن تاماشالادى - Parstoday

بۇل تۋرالى وسى اپتادا يراندىق Parstoday اقپاراتتىق اگەنتتىگىندە حابارلانعان بولاتىن. يراندىق ب ا ق- تىڭ دەرەگىنشە، قازاقستان دەلەگاتسياسى سارسەنبى كۇنى يرانداعى حالىقارالىق تۇرمىستىق تەحنيكا كورمەسىن ارالاعان.

21- حالىقارالىق تۇرمىستىق تەحنيكا كورمەسىن ارالاعان سوڭ قازاقستان ەلشىسىنىڭ ورىنباسارى تۇرمىستىق تەحنيكا ونەركاسىبى قاۋىمداستىعىنىڭ باس حاتشىسى ابباس حاشەميمەن كەزدەستى.

«بۇرىن قازاقستان مەن يران اراسىنداعى ساۋدا بايلانىسى تەك ءبيداي مەن مەتالدى يمپورتتاۋمەن شەكتەلىپ كەلسە، ەندى تۇرمىستىق تەحنيكا سالاسىندا كوبىرەك ىنتىماقتاستىق ورناتۋعا تالپىنامىز»، - دەدى قازاقستان ەلشىلىگىنىڭ ۋاقىتشا سەنىمدى وكىلى تۇرمىستىق تەحنيكا ونەركاسىبى قاۋىمداستىعىنىڭ باس حاتشىسىمەن كەزدەسۋىندە.

حاشەمي دە بۇل كەزدەسۋدە قازاقستاننىڭ 18 ميلليوندىق نارىعىن يراننىڭ تۇرمىستىق تەحنيكا ەكسپورتتىق نارىقتارىن دامىتۋ ءۇشىن جاقسى مۇمكىندىك دەپ اتاپ وتكەن. Parstoday- ءدىڭ دەرەگىنشە، 3 ەلدە يراننىڭ تۇرمىستىق تەحنيكا قۇراستىرۋ جەلىسى بار. ەندى قازاقستاندا دا جاڭا قۇراستىرۋ جەلىسىن ىسكە قوسىلادى.

شانحايداعى يمپورت كورمەسىندە قازاقستاندىق بيزنەس 100 ميلليون دوللارعا كەلىسىمشارت جاساستى - «حالىق گازەتى»

شانحايدا 4-قىتاي حالىقارالىق يمپورت كورمەسى (CIIE) ءوز جۇمىسىن اياقتادى. كورمە جۇمىسىنىڭ 6 كۇنىندە 480000-نان استام كەلۋشى، سونىڭ ىشىندە ترەيدەر، ءوندىرۋشى كومپانيالار، قىتاي جانە باسقا ەلدەردىڭ ساۋدا جەلىلەرى قاتىستى.

بۇل تۋرالى وسى اپتادا قىتايدىڭ «حالىق گازەتى» اقپاراتتىق پورتالىندا حابارلانعان بولاتىن. قىتايلىق ب ا ق- تىڭ كەلتىرگەن دەرەگىنە سۇيەنسەك، قازاقستاندىق پاۆيلون كورمە جۇمىسى بارىسىندا اگروونەركاسىپتىك كەشەننىڭ جوعارى ساپالى ونىمدەرىمەن نازار اۋدارتتى.

ق ر پاۆيلونىندا 26 قازاقستاندىق كومپانيا ءوز ونىمدەرىن ۇسىنعان. كورمە بارىسىندا قىتاي مەن قازاقستان بيزنەسى اراسىندا B 2B ونلاين فورماتتا كەلىسسوزدەر جۇرگىزىلىپ، 100 دەن استام يمپورتتاۋشىلاردان بايلانىس اقپاراتتارى الىندى.

كورمە گيبريدتى فورماتتا ءوتتى جانە ءونىم ۇلگىلەرىن تابيعي تۇردە ورنالاستىرۋ مەن كاسىپورىنداردىڭ قاشىقتىقتان قاتىسۋىن كوزدەدى.

«كورمە قورىتىندىسى بويىنشا ق ح ر- عا سويا، جۇگەرى، ارپا، زىعىر تۇقىمى، راپس مايى، ءبيداي كەبەگى تۇيىرشىكتەرى، سيىر ەتى، قۇرعاق تۇيە ءسۇتى جانە ت. ب. قازاقستاندىق تاۋارلاردى جەتكىزۋگە كەلىسىمشارتتارعا قول قويىلدى.

جاسالعان كەلىسىمشارتتاردىڭ جالپى سوماسى 105 ميلليون ا ق ش دوللارىنان استى. ءبىرقاتار كومپانيالار الەۋەتتى قىتايلىق ساتىپ الۋشىلارمەن كەلىسسوزدەردى جالعاستىرۋدا»، دەپ جازادى people.cn.

اۆتور: بەيسەن سۇلتان