17:21, 22 - قاراشا 2021 | GMT +6
تۇرىك ءارتىسى بۋراك ءوزچيۆيت نە ءۇشىن ايىپتالىپ وتىر
نۇر- سۇلتان. قازاقپارات - بەلگىلى تۇرىك اكتەرى بۋراك ءوزچيۆيت ءتورت جىلعا باس بوستاندىعىنان ايرىلۋى مۇمكىن، دەپ حابارلايدى «حابار 24».
وعان ءتۇسىرىلىم كەزىندە 4 ادامعا ءتىل تيگىزدى دەگەن ايىپ تاعىلىپ وتىر. وسىعان بايلانىستى بىرنەشە ايدان بەرى تەرگەۋ جۇرگىزىلىپ، كۋاگەرلەر تىڭدالدى. تۇركيا زاڭدارىنا سايكەس وسىعان ۇقساس داۋلاردى سوت تاراپىنان تاعايىندالعان مەدياتور ارقىلى شەشۋگە مۇمكىندىك بار. دەگەنمەن قوس تاراپ تا ءبىر- ءبىرىنىڭ ۇسىنىسىن قابىلداماعان.
ناتيجەسىندە پروكۋرور جاعدايعا قاتىستى «قورلاۋ تىزبەگىن» انىقتاپ، اكتەردى 3 اي 15 كۇننەن 4 جىل 1 ايعا دەيىن باس بوستاندىعىنان ايىراتىن جازا تالاپ ەتىپ وتىر. ال ءارتىس بۇل ايىپتاۋلاردى جوققا شىعاردى.