سپورتشى نۇريسلام سانايەۆ «جومارت جۇرەك» مەدالىمەن ماراپاتتالدى
وندا توكيو وليمپياداسىنىڭ قولا جۇردەگەرى نۇريسلام سانايەۆ «جومارت جۇرەك» مەدالىمەن ماراپاتتالدى، دەپ حابارلايدى قازاقپارات ءتىلشىسى.
الماتىدا ۇزدىك پوليتسەيلەر ماراپاتتالدى شارا كەزىندە وبلىس اكىمى وڭداسىن ورازالين ءوڭىردىڭ ەكونوميكا، دەنساۋلىق ساقتاۋ، الەۋمەتتىك سالالارىنىڭ دامۋىنا سۇبەلى ۇلەس قوسىپ، قوعامدىق ومىرگە بەلسەندى اتسالىسىپ جۇرگەن اقتوبەلىكتەردى ماراپاتتادى. اتاپ ايتقاندا، «جومارت جۇرەك» مەدالى ەركىن كۇرەس شەبەرى نۇريسلام سانايەۆقا، مەتسەناتتار المابەك تولەپوۆ، دوسبول باكەنوۆ پەن الدامبەرگەن جولداسوۆقا، «جىلدىڭ ۇزدىك ۇيىمى» اتالىمى ءدوڭ كەن بايىتۋ كومبيناتىنا بەرىلدى. تاعى التى ادام «وبلىسقا سىڭىرگەن ەڭبەگى ءۇشىن» توسبەلگىسىن الدى. بۇدان وزگە، «كازحروم» تۇك ا ق پرەزيدەنتى ارمان ەسەنجولوۆ، وبلىستىڭ باس ينفەكتسيونيست- دارىگەرى مەيرامبەك قۇرمانعازين، كاسىپكەر ۆلاديمير گرينبەرگ، ءمۇسىنشى جەڭىس جۇبانقوسوۆ، پوليسەي مۇراتبەك نۇرماعامبەتوۆ پەن بەلسەندى نۇرجان ورازوۆ «جىل ادامى - 2021» اتاعىن يەلەندى.
«ەگەمەندىكتىڭ وتىز جىلدىق مەرەيلى جىلىندا ەل تاريحىنداعى ەلەۋلى كەزەڭدى باستان وتكەرۋدەمىز. وسى ۋاقىت ولشەمىندەگى جەتىستىكتەردى نۇرسۇلتان ءابىش ۇلى نازاربايەۆتاي ءبىرتۋار تۇلعاسىز ەلەستەتۋ قيىن. ول عاسىرلارعا جۇك بولار اۋقىمدى ىستەردى اتقاردى. الەمدىك تاجىريبەدە زايىرلى ەلدەر، ءتۇرلى كەزەڭدە مەملەكەت باسقارعان قانداي تۇلعا بولماسىن ونىڭ بولمىسىنا زور قۇرمەتپەن قارايدى. ءبىزدىڭ بۇگىنگى اتاپ وتىرعان تۇڭعىش پرەزيدەنت كۇنى سونداي قۇرمەتتىڭ نىشانى. «وتكەن كۇننەن الىس جوق، كەلەر كۇننەن جاقىن جوق» دەيدى قازاق.
وزدەرىڭىز جاقسى بىلەسىزدەر، مەن ەلباسىنىڭ جانىندا ءجۇرىپ ون ەكى جىل قىزمەت جاسادىم. ەلدىڭ قامى ءۇشىن تىنىمسىز ەڭبەگىنىڭ كۋاسى بولدىم. بۇگىنگى ءبىز كورىپ وتىرعان جەتىستىكتەردىڭ قاي- قايسىسى بولسىن، وڭايلىقپەن كەلمەگەنىن كوزىممەن كوردىم. جەكە تۇلعا رەتىندەگى قاسيەتتەرىن دە ەرەكشە سەزىنگەن اداممىن. ەركىندىك الىپ، ءوز الدىمىزعا ەل بولۋ، اتا- بابالارىمىزدىڭ اسىل ارمانى ەدى. سول ارماندى ىسكە اسىرۋ ەلباسىنا، ونىڭ ناتيجەسىن كورۋ ءبىزدىڭ باعىمىزعا بۇيىردى، - دەپ اتاپ ءوتتى وبلىس اكىمى وڭداسىن ورازالين.
