بيلىك ەل تۇرعىندارىن جاڭا جىلدى وتباسى مۇشەلەرىمەن عانا قارسى الۋعا شاقىردى

None
None
تاشكەنت. قازاقپارات - وزبەكستان بيلىگى ەل تۇرعىندارىن جاڭا جىلدى كارانتين شارالارىن ساقتاي وتىرىپ، وتباسى مۇشەلەرىمەن عانا قارسى الۋعا شاقىردى، دەپ حابارلايدى قازاقپارات مەنشىكتى ءتىلشىسى وزبەكستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەم جاساپ.

«حالىقتىڭ دەنساۋلىعىن قامتاماسىز ەتۋ جانە ەلدەگى ەپيدەميولوگيالىق تۇراقتىلىقتى ساقتاۋ ماقساتىندا ازاماتتارعا 2022 -جىلعى مەرەكەلىك جاڭا جىلدى مۇمكىندىگىنشە وتباسى مۇشەلەرىمەن عانا قارسى الۋدى ۇسىنامىز»، - دەپ حابارلادى ۆەدومستۆو.

ەسكە سالا كەتەيىك، وزبەكستاندا «وميكرون» كوروناۆيرۋس ينفەكسياسىنىڭ جاڭا شتاممىنىڭ ەنۋىنە جول بەرمەۋ ماقساتىندا ەلگە كىرۋشىلەر ءۇشىن ءبىرقاتار جاڭا كارانتيندىك شەكتەۋ شارالارى قابىلداندى.

اۆتور: مادىبەك جانىبەكوۆ

سوڭعى جاڭالىقتار