كوكتايعاق، جەل، جاۋىن - جۇماعا ارنالعان اۋا رايى بولجامى

قازاقستاننىڭ بولىگى سولتۇستىك- باتىس سيكلوننىڭ جىراسىنىڭ جانە ونىمەن بايلانىستى اتموسفەرالىق فرونتالدى بولىكتەردىڭ ىقپالىندا بولعاندىقتان - جاۋىن- شاشىن جاڭبىر مەن قار جاۋىپ، كوكتايعاق جانە جاياۋ بۇرقاسىن بولادى.

ال رەسپۋبليكانىڭ وڭتۇستىگىندە شاڭدى داۋىل، نايزاعاي كۇتىلەدى. كەي جەرلەردە تۇمان جانە جەل كۇشەيەدى.

شىعىس قازاقستان وبلىسىنىڭ باتىسىندا تۇندە، باسىم بولىگىندە كۇندىز جەل 15-23 م/س كۇشەيەدى، وبلىستىڭ باتىسىندا، ورتالىعىندا جانە شىعىسىندا جاياۋ بۇرقاسىن، كۇندىز سولتۇستىك- باتىسىندا تۇمان، كوكتايعاق كۇتىلەدى.

قاراعاندى وبلىسىنىڭ باتىسىندا، ورتالىعىندا تۇندە، سولتۇستىگىندە، شىعىسىندا، ورتالىعىندا كۇندىز كوكتايعاق، جاياۋ بۇرقاسىن كۇتىلەدى، وبلىستىڭ سولتۇستىگىندە، شىعىسىندا جەل 15-20 م/س جىلدامدىقپەن سوعادى.

سولتۇستىك قازاقستان، اقمولا وبلىستارىندا جەل 15-20 م/س كۇشەيەدى، كەي جەرلەردە جاياۋ بۇرقاسىن، كوكتايعاق، تۇمان كۇتىلەدى.

قوستاناي وبلىسىنىڭ شىعىسىندا تۇندە، كوكتايعاق، جاياۋ بۇرقاسىن، وڭتۇستىگىندە تۇمان كۇتىلەدى، كۇندىز باتىسىندا جەل 15-20 م/س كۇشەيەدى.

پاۆلودار وبلىسىنىڭ سولتۇستىگىندە جاياۋ بۇرقاسىن، كوكتايعاق كۇتىلەدى، سولتۇستىگىندە، باتىسىندا جەل 15-20 م/س كۇشەيەدى.

جامبىل وبلىسىنىڭ وڭتۇستىك- باتىسىندا، تاۋلى اۋداندارىندا جەل 15-20 م/س، تۇندە جانە تاڭەرتەڭ ەكپىنى 23 م/س كۇشەيەدى، وبلىستىڭ وڭتۇستىك- باتىسىندا شاڭدى داۋىل، تاۋ جانە تاۋلى اۋداندارىندا تۇمان تۇسەدى.

تۇركىستان وبلىسىنىڭ باتىسىندا، سولتۇستىگىندە، تاۋ، تاۋلى اۋداندارىندا جەل 15-23 م/س كۇشەيەدى، وبلىستىڭ باتىسىندا، سولتۇستىگىندە شاڭدى داۋىل، كۇندىز تاۋلى اۋداندارىندا نايزاعاي جارقىلدايدى.

اقتوبە، قىزىلوردا وبلىستارىنىڭ سولتۇستىگىندە، اتىراۋ وبلىسىندا تۇندە جانە تاڭەرتەڭ، ماڭعىستاۋ وبلىسىنىڭ باتىسىندا تۇمان بولادى. باتىس قازاقستان وبلىسىنىڭ سولتۇستىك- باتىسىندا، سولتۇستىك- شىعىسىندا تۇمان، كوكتايعاق كۇتىلەدى.