بەرليندە انگەلا مەركەل كانسلەر قىزمەتىنەن كەتۋىنە بايلانىستى سالتاناتتى شارا ءوتتى - ۆيدەو

سالتاناتتى شارانى بۋندەسۆەر - گەرمانيانىڭ قارۋلى كۇشتەرى ۇيىمداستىردى.

بۇل وقيعا مەركەلدىڭ 16 جىل قىزمەت ەتكەن بيلىكتەن كەتۋى الدىنداعى ماڭىزدى ءسات. ول رەسمي تۇردە كانتسلەر قىزمەتىنەن كەلەسى اپتانىڭ باسىندا، 8-جەلتوقساندا كەتەدى.

«ۆەچەرنيايا زاريا» ءراسىمى ازاماتتىق ادام نەمىس اسكەرىنەن الاتىن ەڭ جوعارى قۇرمەت بەلگىسى. ول ءوزىنىڭ تاريحىن XVI عاسىردا باستاعان، ءبىراق نەمىس كانسلەرلەرى 1998 -جىلدان باستاپ گەلمۋت كول گفر ۇكىمەتىنىڭ باسشىسى قىزمەتىنەن كەتكەن كەزدە وسىنداي قۇرمەتكە يە بولدى.

كوروناۆيرۋسقا قارسى شەكتەۋلەرگە بايلانىستى سالتاناتتى جيىن شەكتەۋلى فورماتتا ءوتتى. وعان 200-گە جۋىق ادام قاتىستى، ونىڭ ىشىندە 52 ادام مەركەل تۇسىندا فەدەرالدى مينيستر بولعاندار.

مەركەلدىڭ قىسقا سوزىنەن كەيىن اسكەري وركەستر بىرنەشە كومپوزيتسيانى ورىندادى، ونىڭ ىشىندە ۇشەۋى - مەركەلدىڭ تاڭداۋى بويىنشا ورىندالدى. ول كەتەر الدىندا كانسلەر نينا حاگەننىڭ Du hast den Farbfilm vergessen ءانىن ورىنداۋدى سۇرادى.

گەرمانيا كانسلەرى رەتىندەگى مەركەلدىڭ مۇراگەرى گەرمانيا سوتسيال- دەموكراتيالىق پارتياسىنىڭ 63 جاستاعى مۇشەسى ولاف شولتس بولادى. سوڭعى ءۇش جىل ىشىندە ول مەركەل ۇكىمەتىندە ۆيتسە-كانسلەر جانە قارجى ءمينيسترى قىزمەتىن اتقاردى. رەسمي تۇردە ونىڭ كانديداتۋراسى 8-جەلتوقسانعا دەيىن بەكىتىلەدى دەپ كۇتىلەدى.