قازاقپارات ۇجىمى «ەڭ مەيىرىمدى رەداكسيا» اتالىمى بويىنشا ماراپاتتالدى

None
None
پاۆلودار. قازاقپارات - «قايىرىمدى ىستەر مارافونى» ۇلتتىق جوباسى اياسىندا ۇيىمداستىرىلعان «ەڭ مەيىرىمدى» بايقاۋىندا «قازاقپارات» ح ا ا» ا ق ۇجىمى «ەڭ مەيىرىمدى رەداكسيا» اتالىمى بويىنشا جۇلدەلى II ورىنعا يە بولدى.

اتالعان بايقاۋ بويىنشا، قوستاناي وبلىسىنان «ريتم» گازەتى I ورىن السا، اتىراۋ وبلىسىنىڭ «ماقات تىنىسى» گازەتى III ورىن يەلەندى.

ايتا كەتەيىك، «قازاقپارات» ح ا ا» ا ق ۇجىمى مۇقتاج وتباسىلار ءۇشىن قايىرىمدىلىق شارالارىن 2016-جىلدان بەرى جۇيەلى ۇيىمداستىرىپ ءجۇر. ءار جانۇياعا ازىق-تۇلىكتەر ۇلەستىرىلىپ، اقشالاي دا كومەك بەرىلىپ كەلەدى. قايىرىمدىلىق اكسيالارى ءار جىلى ءداستۇرلى تۇردە ناۋرىز مەيرامى، «مەكتەپكە جول» اكسياسى، ورازا ايت، قۇربان ايت مەرەكەلەرىندە جانە تاۋەلسىزدىك كۇنىنە وراي ۇيىمداستىرىلادى. سونداي-اق، اتالعان اكسيالاردان تىس، ناۋقاس جانداردىڭ ەمىنە قاراجات تا جيناپ بەرىپ كەلەدى. بۇگىنگە دەيىن اگەنتتىك ۇجىمى 20 وتباسىعا قول ۇشىن سوزدى. سونىڭ ىشىندە 4 جانۇيا تۇراقتى قامقورلىققا الىنعان.


وسى ۇجىمنىڭ تۇراقتى قامقورلىعىنداعى 4 جانۇياعا قوسىمشا كومەك كورسەتۋ ءۇشىن كاسىپكەر ازاماتتاردىڭ دا دەمەۋشىلىك قاراجاتى تارتىلادى. بۇدان بولەك، اگەنتتىكتىڭ جەكە قىزمەتكەرلەرى دە اكسيالاردان تىس، ءوز ەركىمەن جانە جەكە قارجىسىنا جاردەم بەرىپ كەلەدى.

ەسكە سالا كەتەيىك، «قايىرىمدى ىستەر مارافونى» جالپىۇلتتىق جوباسى ازاماتتىق باستامالاردى قولداۋ ورتالىعى مەن اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلۋدا.

جوبانىڭ باستى ماقساتتارىنىڭ ءبىرى - جاقسىلىققا جانى قۇمار ادامداردى بىرىكتىرۋ جانە ۇيىمداستىرۋ، قوعام مەن ادامداردىڭ ءومىرىن جاقسى جاققا وزگەرتۋگە مۇمكىندىك بەرەتىن، جومارتتىق پەن جاقسىلىق يدەياسىنا نەگىزدەلگەن قوعام قۇرۋ.


اۆتور: ريزابەك نۇسىپبەك ۇلى


سوڭعى جاڭالىقتار