22:56, 03 - جەلتوقسان 2021 | GMT +6
گولوۆكين جاپونيالىق چەمپيونمەن بيىل جۇدىرىقتاسا المايدى
نۇر-سۇلتان. قازاقپارات - ورتا سالماقتا IBF جانە IBO چەمپيونى قازاقستاندىق گەننادي گولوۆكين (41-1-1، 36 ك و) جانە WBA Super تيتۋلىنا يە جاپونيالىق ريوتا مۋراتا (16-2، 13 ك و) اراسىنداعى جەكپە-جەك شەگەرىلدى، دەپ حابارلايدى Vesti.kz.
ESPN مالىمەتىنشە، سەبەپ - COVID بويىنشا جاپونياداعى جاڭا شەكتەۋلەر. ەندى ەلگە شەتەلدەن كىرگۋە رۇقسات جوق. بۇل شارا ۆيرۋستىڭ «وميكرون» شتامى تارالماس ءۇشىن جاسالعان.
رەسمي تۇلعالار گولوۆكين ءۇشىن جەڭىلدىك سۇراعان، الايدا، جاپونيا ۇكىمەتى باس تارتتى.
ەندى 29- جەلتوقسانعا بەلگىلەنگەن جەكپە-جەك كەلەسى جىلعا شەگەرىلەدى دەپ جوسپارلانۋدا.