14:23, 17 - قاڭتار 2022 | GMT +6
ستۋدەنتتەر ەلدەگى جاپپاي ەرەۋىلدەرگە قاتىستى ما - مينيسترلىك جاۋابى
نۇر- سۇلتان. قازاقپارات - ەلدە بولعان جاپپاي تارتىپسىزدىكتەرگە ستۋدەنتتەر قاتىستى ما؟ بۇل سۇراققا ق ر ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ جاۋاپ بەردى، دەپ حابارلايدى قازاقپارات ءتىلشىسى.
«بىزدە ستۋدەنتتەردىڭ جاپپاي تارتىپسىزدىكتەرگە قاتىسقانى تۋرالى رەسمي دەرەك جوق. كانيكۋل كەزى بولعاندىقتان ستۋدەنتتەر جاتاقحانادا بولعان جوق، ۇيلەرىنە قايتىپ كەتكەن. سوندىقتان ولاردىڭ قاتىسقانى نەمەسە قاتىسپاعانى تۋرالى بىزدە اقپارات جوق. جاتاقحانالاردا 5 مىڭعا جۋىق ستۋدەنت تۇرىپ جاتتى، ولار - نەگىزىنەن شەتەل ستۋدەنتتەرى»، - دەدى ادىلەت تويبايەۆ ورتالىق كوممۋنيكاتسيالار قىزمەتىندە ونلاين وتكەن باسپا ءسوز ءماسليحاتىندا.
بۇعان دەيىن ەلىمىزدىڭ 3 رەسپۋبليكالىق ماڭىزدى بار قالاسىندا مەكتەپ وقۋشىلارىنىڭ قاشىقتان وقيتىنى تۋرالى حابارلاعان ەدىك.
اۆتور: ءالي يبرايەۆ