ءبىلىم بەرۋ گرانتتارىنىڭ سانى وسەدى

بىلتىر تۇلەكتەرگە 56 مىڭعا جۋىق ءبىلىم بەرۋ گرانتى بەرىلسە، بيىل 61 مىڭ گرانت بەرىلمەك. بۇل جايلى ق ر ءبىلىم مينيسترلىگىنىڭ باسپا ءسوز قىزمەتى حابارلادى.

بىلتىر تۇلەكتەرگە بەرىلەتىن ءبىلىم بەرۋ گرانتتارىنىڭ سانى 51 مىڭنان 56 مىڭعا كوبەيگەن ەدى. بيىل دا تاعى 5 مىڭ تەگىن ءبىلىم بەرۋ گرانتى قوسىلماق.

ال جالپى 2025-جىلعا دەيىن ءبىلىم بەرۋ گرانتتارىنا سانى 76 مىڭعا جەتپەك. جىل سايىن 5 مىڭنان قوسىلىپ وتىرادى. بارلىعى - 15 مىڭ گرانت.

سونداي-اق ءبىلىم بەرۋ گرانتتارىن ءبولۋ كەزىندە ازاماتتاردىڭ الەۋمەتتىك وسال ساناتتارى ءۇشىن كۆوتالار كوزدەلگەن.

«وسىلايشا، پرەزيدەنتتىڭ قولداۋىنىڭ ارقاسىندا بيۋجەت ەسەبىنەن وقۋعا مۇمكىندىك العان قازاقستاندىق مەكتەپ تۇلەكتەرىنىڭ سانى ارتتى. مىسالى، وتكەن جىلى بىزگە 75 مىڭنان استام ءوتىنىم ءتۇستى. ونىڭ ىشىندە 56 مىڭنان استام تالاپكەر گرانت الدى. بيىل گرانتتار سانى 61 مىڭعا جەتەدى. مەملەكەت باسشىسىنىڭ تاپسىرماسى بويىنشا حالىقتىڭ الەۋمەتتىك وسال توپتارىنان شىققان بالالار ءۇشىن كۆوتالار سانىن ۇلعايتتىق. ياعني، كوپبالالى نەمەسە تولىق ەمەس وتباسىلاردان شىققان بالالار، سونداي-اق وتباسىلارىندا ەرەكشە قاجەتتىلىكتەرى بار بالالاردى تاربيەلەپ وتىرعان تالاپكەرلەر گرانت الۋ ءۇشىن الدەقايدا كوپ مۇمكىندىكتەرگە يە بولادى»، - دەپ حابارلادى ءبىلىم جانە عىلىم ۆيتسە-ءمينيسترى قۋانىش ەرعاليەۆ.

massaget.kz